ជនសង្ស័យ៩នាក់ ត្រូវកម្លាំងអធិការដ្ឋាននគរបាលក្រុងសៀមរាប សហការណ៍ជាមួយ កំលាំងការិយាល័យប្រឆាំងគ្រឿងញៀន បានចុះបង្ក្រាបករណី រក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀនស្ថិតនៅភូមិវិហារចិន សង្កាត់ស្វាយដង្គំ ក្រុងសៀមរាប កាលពីថ្ងៃទី១៥ខែ ឧសភាឆ្នាំ ២០១៩ វេលាម៉ោង០៩:០០នាទីព្រឹក។
បើតាមរបាយការណ៍របស់សមត្ថកិច្ច ជនសង្ស័យទាំង០៩នាក់ ក្នុងនោះស្រី៣នាក់ មានទីលំនៅបច្ចុប្បន្នក្នុងក្រុងសៀមរាប និងគ្មានមុខរបរ។ ចំពោះវត្ថុតាង ដែលកម្លាំងសមត្ថកិច្ចដកហូតបានរួមមានម្សៅមេតំហ្វេតាមីន ប្រភេទទឹកកកចំនួន១១កញ្ចប់ ស្មើនឹងទម្ងន់ ៣,៧ក្រាម(ទាំងសំបក) ឧបករណ៍ ប្រើប្រាស់គ្រឿងញៀនមួយចំនួន រួមនឹងទូរស័ព្ទដៃចំនួន ០៥គ្រឿង។
ថ្ងៃទី១៦ខែ ឧសភាឆ្នាំ ២០១៩នេះ នគរបាលការិយាល័យប្រឆាំងគ្រឿងញៀន បានកសាងសំណុំរឿង និងបញ្ចូនជនសង្ស័យ រួមនិងវត្ថុតាង ទៅសាលាដំបូងខេត្តសៀមរាប ដើម្បីចាត់ការតាមនិតិវិធីច្បាប់រួចរាល់ហើយ ។
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
