ព្រឹត្ដិការណ៍បុណ្យទន្លេលើកទី៨ ឆ្នាំ២០២៤ នៅខេត្ដសៀមរាប ត្រូវបានបិទបញ្ចប់ហើយ បន្ទាប់ពីដំណើរការយៈពេល ៣ថ្ងៃកន្លងទៅ ខណៈអ្នកទេសចរបានបង្ហាញក្ដីរីករាយចំពើការរៀបចំព្រឹត្តិការណ៍នេះឡើង ដែលជាឱកាសមួយដ៏សំខាន់មួយសម្រាប់កម្ពុជា ជាពិសេសខេត្តសៀមរាប ក្នុងការការផ្សព្វផ្សាយសក្តានុពលទេសចរណ៍ឱ្យភ្ញៀវទេសចរមកកំសាន្ដឱ្យកាន់ច្រើន។
ក្រុមអ្នកទេសចរបានលើកឡើងថា គ្រប់កម្មវិធីក្នុងព្រឹត្តិការណ៍បុណ្យទន្លេលើកទី៨នេះ បានបង្ហាញភាពសំបូរបែបនិងសប្បាយរីករាយជូនដល់អ្នកទេសចរណ៍ជាតិ-អន្តរជាតិ និងប្រជាពលរដ្ឋក្នុងខេត្ត ហើយក៏ជាការជម្រុញដល់វិស័យសេដ្ឋកិច្ចក្នុងសហគមន៍ អាជីរករទទួលបានពីចំណូលនៃព្រឹត្តិការណ៍បុណ្យទន្លេ ក៏ដូចជាពិធីបុណ្យប្រពៃណីជាតិផ្សេងៗទៀតផងដែរ។
ពួកគាត់បន្ដថា ពិធីបុណ្យទន្លេនេះ មានការរៀបចំបានល្អប្រសើរគួរឱ្យកត់សំគាល់ ទាំងបរិស្ថាន អនាម័យ សន្ដិសុខ សណ្ដាប់ធ្នាប់របៀបរៀបរយ។ ការបង្កើតព្រឹត្ដិការណ៍បុណ្យទន្លេនេះ មិនត្រឹមតែធ្វើឱ្យមានការទាញ់ទាញអ្នកទេសចរប៉ុណ្ណោះទេ ហើយក៍បានបង្ហាញពីការអភិវឌ្ឍកាន់តែរីកចំរើនក្នុងក្រុងសៀមរាប ជាមួយគ្នានឹងការលក់ដូរផលិតផល ម្ហូបអាហារមានអនាម័យល្អ និងមានការគាំទ្រច្រើនពីប្រជាពលរដ្ឋខ្មែរផងដែរ៕
អត្ថបទ៖ លោក បូ សាវី
កែសម្រួល៖ លោក អ៊ុន ណារាជ្យ
