គម្រោងសាងសង់ផ្លូវបេតុងអាមេមួយខ្សែ ស្ថិតក្នុងភូមិតាប្រាក់ ឃុំមានជ័យ ស្រុកប្រាសាទបាគង ខេត្តសៀមរាប ត្រូវបានប្រកាសបញ្ចប់ការដេញថ្លៃជាស្ថាពរ នៅព្រឹកថ្ងៃទី១៩ ខែមីនា ឆ្នាំ២០២៤នេះ ។
លោក ថន ប៊ុនថង ប្រធានគណៈកម្មការលទ្ធកម្មឃុំមានជ័យ បានឲ្យដឹងថា សម្រាប់គម្រោងមូនិធិឃុំឆ្នាំ២០២៤ ឃុំមានជ័យ បានដាក់ដេញថ្លៃគម្រោងសាងសង់ផ្លូវបេតុងអាមេ មានទទឹង៥ម៉ែត្រ កម្រាស់០,១៥ម៉ែត្រ ប្រវែង១៧៥ម៉ែត្រ និង ស្លាកសញ្ញាគម្រោង១ និងលូការពារផ្លូវ១កំប្លេ។ ក្នុងតំលៃប៉ាន់ស្មាន ១០៩.៤៤៤.៧០០រៀល ដោយមានក្រុមហ៊ុនម៉ៅការដាក់សំណើរចំនួន ៩ក្រុមហ៊ុន។ ជាលទ្ធផលបានទៅលើក្រុមហ៊ុន អុឹង លីសួរ ក្នុងតម្លៃ ៥៥.១១៦.២៥០រៀល។
ក្នុងនោះលោក ថន ប៊ុនថង បានណែនាំដល់ក្រុមហ៊ុនម៉ៅការដែលទទួលបានគម្រោងនេះ ត្រូវអនុវត្តឲ្យបានត្រឹមត្រូវតាមក្បួនច្បាប់ និងស្តង់ដានៃការសាងសង់ ជាពិសេសធ្វើយ៉ាងណាត្រូវពន្លឿនការសាងសង់ឲ្យបានលឿនតាមពេលវេលាដែលបានកំណត់ក្នុងកិច្ចសន្យា ដើម្បីឲ្យបងប្អូនប្រជាពលរដ្ឋមានងាយស្រួលក្នុងការធ្វើដំណើរឆ្លងកាត់។
ក្រោយការដេញថ្លៃ ក្រុមហ៊ុន អុឹង លីសួរ ដែលទទួលបានការម៉ៅការចំពោះគម្រោងសាងសង់ផ្លូវខាងលើ បានធ្វើការប្ដេជ្ញាចិត្តដោយសន្យាថា នឹងធ្វើឲ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមានចែងនៅក្នុងកិច្ចសន្យាផងដែរ៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
