ក្រុមនិស្សិតអាហារូបករណ៍ថ្នាក់ដឹកនាំកំពូលរបស់រាជរដ្ឋាភិបាល មកពីវិទ្យាស្ថានខ្មែរជំនាន់ថ្មីចំនួន ១៣៩រូប បានធ្វើទស្សនៈកិច្ចសិក្សានៅតាមប្រាសាទបុរាណមួយចំនួនក្នុងតំបន់អង្គរ ដើម្បីឈ្វែងយល់ពីប្រវត្ដិសាស្ដ្រវប្បធម៌ សំណង់ស្ថាបត្យកម្ម បន្ទាប់ពីពួកគាត់ធ្លាប់បានសិក្សាតាមទ្រឹស្ដីនៅក្នុងសាលា រយៈពេល ៣ថ្ងៃចាប់ពីថ្ងៃទី២២-២៣ ខែមីនា ឆ្នាំ២០២៤កន្លងទៅនេះ។
លោកបណ្ឌិត កុល សារូ នាយករងនៃវិទ្យាស្ថានខ្មែរជំនាន់ថ្មី បានឲ្យដឹងថា នេះជាលើកទី២៤ សម្រាប់ក្រុមនិស្សិតដែលពួកគាត់តែងតែទៅធ្វើទស្សនកិច្ចសិក្សាជារៀងរាល់ឆ្នាំពីប្រវត្ដិសាស្ដ្រវប្បធម៌ និងសំណង់ប្រាសាទបុរាណនៅតំបន់រមណីយដ្ឋានអង្គរ។ ការចុះសិក្សាស្រាវជ្រាវរួមមាន៖ ប្រាសាទបាគង ប្រាសាទបន្ទាយស្រី ប្រាសាទបន្ទាយសំរ៉ែ ប្រាសាទអង្គរវត្ដ និងប្រាសាទសំខាន់ៗមួយចំនួនទៀត។ ក្រោយពេលបំពេញទស្សនៈកិច្ចក្រុមនិស្សិតបានបានយល់ដឹងច្រើនពីបេតិកភ័ណ្ឌសំណង់ប្រាសាទខ្មែរ។
ក្រុមនិស្សិតបានលើកឡើងថា ការធ្វើទស្សកិច្ចរយៈពេលបីថ្ងៃនេះ បានធ្វើឱ្យពួកគាត់ស្គាល់កាន់តែច្បាស់ពីសំណង់ស្ថាបត្យកម្មរបស់បុព្វការីជន ដែលបានបន្សល់ទុកឱ្យខ្មែរជំនាន់ក្រោយ។ ប្រវត្ដិសាស្ដ្រវប្បធម៌ អរីយធម៌ ពិតជាបេតិកភ័ណ្ឌរបស់ជាតិខ្មែរ មិនអាចរកអ្វីមកកាត់ថ្លៃបានឡើយ។ការកសាងប្រាសាទនិមួយរបស់បុព្វបុរសខ្មែរ គឺមានភាពសច្ចារ្យខ្លាំងណាស់ ដែលប្រទេសដ៏ទៃទៀតមិនអាចធ្វើបាន ដូច្នេះពួកគាត់នឹងចូលរួមថែរក្សានូវប្រសាស្ដ្រវប្បធម៌របស់ខ្មែរឱ្យបានគង់វង្ស។
ពួកគាត់ក៍បានថ្លែងអំណគុណដល់ថ្នាក់ដឹកនាំ ដែលតែយកចិត្ដទុកដាក់ផ្ដល់អាហាររូបករណ៍ និងផ្ដល់ឱកាសឱ្យក្រុមនិស្សិតធ្វើកម្មសិក្សាស្វែងយល់ពីបេតិកភ័ណ្ឌបន្ថែមទៀតពីលើទ្រឹស្ដី នៅតាមប្រាសាទបុរាណក្នុងតំបន់រមណីយដ្ឋានអង្គរ។
អត្ថបទ និងរូពភាព៖ លោក បូ សាវី
កែសម្រួល៖ លោក អ៊ុន ណារាជ្យ
