សង្រ្កាន្តឆ្នាំថ្មី វិទ្យាល័យសម្តេចឪ និងពិព័រណ៌ប្រតិដ្ឋ និងម្ហូបអាហារស្នាដៃសិស្ស និងកម្មវិធីកំសាន្តជាច្រើនទៀតដូចជា ការសម្តែងក្បាច់គុនល្បុក្គតោ លេងល្បែងប្រជាប្រិយ របាំត្រុដិ និង រាំលេងកំសាន្ត ប្រពៃណីខ្មែរតាមរយៈតន្ត្រីស្គរដៃ និងតន្ត្រីសម័យជាដើម ត្រូវបានធ្វើឡើងយ៉ាងមហោឡាឬក រយៈពេល២ថ្ងៃ ចាប់ពីថ្ងៃទី៦-៧ ខែមេសា ឆ្នាំ២០២៤ ដើម្បីអបអរសារទរពិធីបុណ្យចូលឆ្នាំថ្មីប្រពៃណីជាតិខ្មែរដែលនឹងឈានមកដល់ក្នុងពេលដ៏ខ្លីខាងមុខនេះ។
លោក ឈិន តៃឈាង នាយកវិទ្យាល័យសម្តេចឪ បានបញ្ជាក់ថា សង្រ្កាន្តដែលរៀបចំឡើងនាពេលនេះ គឺដើម្បីបង្ហាញដល់វយុវជនជំនាន់ក្រោយ បានស្គាល់នូវកេរ្តិ៍មរតកដ៍មានតម្លៃរបស់បុព្វបុរសខ្មែរ បានបន្យល់ទុកជាយូរលង់ណាស់មកហើយ។ ដូចនេះយុវជនទាំងអស់ដែលជាសសរទ្រូងនៃប្រទេសជាតិនោះ ត្រូវតែចូលរួមថែរក្សានូវកេរ្ត៍វប្បធម៌ដ៍មានតម្លៃមួយនេះឱ្យស្ថិតស្ថេរគង់វង់ជារៀងរហូត សម្រាប់កូនចៅយើងគ្រប់ជំនាន់តទៅទៀត។ លោកបានអំពាវនាវឱ្យយុវជន សិស្សានុសិស្ស លេងអ្វីដែលជារបស់ខ្មែរ ដើម្បីរក្សាបានពីតម្លៃនៃកេរ្ត៍មរតកវប្បធម៌ប្រពៃណី និងទំនៀមទម្លាប់ខ្មែរដ៍ផូរផង់ ដែលសក្តិសមជាអិរយធម៌ដ៍រុងរឿងរបស់កម្ពុជា និងចៀសឱ្យឆ្ងាយពីគ្រឿងញៀន និងអំពើអបាយមុខដែលសង្គមស្អប់ខ្ពើម។
សិស្សានុសិស្សនៃវិល័យនេះ ពួកគាត់បានសម្តែងនូវការគាំទ្រ ចំពោះការរៀបចំសង្រ្កាន្តឆ្នាំថ្មីនៅវិទ្យាល័យឆ្នាំនេះ ថាពិតជាមានភាពអធឹកធម មានការចូលរួមច្រើនពីយុវជន យុវសិស្ស ដែលនេះបានបង្ហាញឱ្យឃើញពីការរួមសាមគ្គីគ្នារឹងមាំថែរក្សាតម្លៃនៃវប្បធម៌ប្រពៃណីខ្មែរ និងបានបំផុសនូវការអភិរក្សប្រពៃណីវប្បធម៌ដូនតាខ្មែរ រឹតចំណងសាមគ្កីភាព បង្កើនភាពស្និទ្ឋិស្នាលរវាងសិស្សនិងគ្រូ រវាងមិត្តភក្រ័រៀនសូត្រជាមួយនិងក៏បណ្តុះផ្នត់គំនិតយុវជនខ្មែរជំនាន់ក្រោយឱ្យរឹងរឹតតែស្រឡាញ់ទំនៀមទម្លាប់វប្បធម៌ប្រពៃណីដូនតាខ្មែរយើងផងដែរ។
អត្ថបទ និងរូបភាព៖ លោក យូ វង្ស
កែសម្រួល៖ លោក អ៊ុន ណារាជ្យ
