គម្រោងសាងសង់ផ្លូវបេតុងអាមេ ១ខ្សែ ប្រវែង១៨២ម៉ែត្រ ក្នុងឃុំសំរោងយា ស្រុកពួក ខេត្តសៀមរាប បានបញ្ចប់ការដេញថ្លៃជាស្ថាពរ នៅព្រឹកថ្ងៃទី៨ ខែមេសា ឆ្នាំ២០២៤នេះ ដោយមានការចូលរួមពីមន្ត្រីជមនាញ និងអ្នកពាក់ព័ន្ធជាច្រើនរូប។
លោក ឡាច សឿន គណៈកម្មការលទ្ធកម្មឃុំសំរោងយា បានឲ្យដឹងថា ឃុំបានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែប្រវែង១៨២ម៉ែត្រ ទទឹង៤.៥ម៉ែត្រ កម្រាស់បេតុង0.១៥ម៉ែត្រ មានក្រួសក្រហមស្មារផ្លូវទាំងសងខាង ស្លាកគម្រោងចំនួន០១ ស្លាកសញ្ញាចរាចរចំនួន០១ និងលូមុខ០.៨០ម៉ែត្រ សម្រាប់ដាក់ការពារឡានធំ ចំនួន២កង់ ក្នុងតំលៃប៉ាន់ស្មាន១០៧,០២៩,៥១៩រៀល ដោយមានក្រុមហ៊ុនចំនួន ១១ចូលរួមដេញថ្លៃ។ ជាលទ្ធផលបានទៅលើ ក្រុមហ៊ុន ហ៊ត ហេង ក្នុងតម្លៃ ៤៥,១០០,០០០រៀល។
ក្រោយបញ្ចប់ការដេញថ្លៃ ក្រុមហ៊ុន ហ៊ត ហេង បានធ្វើការប្ដេជ្ញាចិត្ត និងសន្យាថា នឹងស្ថាបនាផ្លូវឲ្យបានទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
