កាលពីថ្ងៃទី២០ ខែឧសភា ឆ្នាំ២០១៩ ភ្នាក់ងារទេសចរណ៍ នៃអាជ្ញាធរជាតិអប្សរា បានជួយសង្គ្រោះភ្ញៀវទេសចជនជាតិហូឡង់ម្នាក់ ដែលបានសន្លប់មួយភាំង ខណៈកំពុងដើរទស្សនានៅអង្គរវត្ត ។
ក្រោយពីកើតហេតុភ្លាម ភ្នាក់ងារទេសចរណ៍ បានសង្គ្រោះបឋមតាមវិជ្ជាជីវៈរហូតដល់គាត់ដឹងខ្លួន ហើយជួយគ្រាហ៍គាត់ទៅរកកន្លែងសក្តិសម ដើម្បីរង់ចាំរថយន្តជូនទៅសម្រាកនៅសណ្ឋាគារវិញ ខណៈដែលភ្ញៀវទេសចររូបនោះ បានសម្តែងនូវទឹកចិត្តរំភើបមកកាន់ភ្នាក់ងារទេសចរណ៍ជាមួយនឹងពាក្យ « អ្នកបានជួយសង្គ្រោះជីវិតខ្ញុំ សូមអរគុណ» ។
មូលហេតុពាក់ព័ន្ធនឹងការសន្លប់នេះគឺ បណ្តាលមកពីជនរងគ្រោះមានវ័យចំណាស់ មានបញ្ហាសុខភាពផ្ទាល់ខ្លួន និងបញ្ហាអាកាសធាតុក្តៅនារដូវប្រាំងឆ្នាំនេះ៕
ព័ត៌មានជាតិ ថ្មីៗ
អត្ថបទ និង រូបថត ៖ Facebook អាជ្ញាធរជាតិអប្សរា
កែសម្រួលអត្ថបទ ៖ លោក លីវ សាន្ត
