សមាគមអង្កការរ៉ូតារីក្លឹប , រ៉ូតារីក្លឹបជប៉ុន , តៃវ៉ាន់ និង កូរ៉េបាននាំយកចែកជូន បងប្អូនប្រជាពលរដ្ឋដែលមានជីវភាពទីទ័លក្រ ដែលកំពុងមានជំងឺ និងសម្រាកព្យាបាលនៅក្នុងមន្ទីរពេទ្យបង្អែក ខេត្តសៀមរាប កាលពីរសៀលថ្ងៃទី ២២ ខែ ឧសភា ឆ្នាំ២០១៩ ។
លោក តូស៊ីយ៉ា អ៊ូអឺបា ប្រធានតាកាតស៊ូគិ អ៊ិស រ៉ូតារីក្លឹប អូសាកាជប៉ុន និង ជាតំណាងសមាគមអង្គររ៉ូតារីក្លឹប តៃវ៉ាន់ និង កូរ៉េ មានចំណាប់អារម្មណ៍ថា ដោយបានសម្តែងការអាណិតអាសូរ ចំពោះប្រជាពលរដ្ឋក្រីក្រ ដែលមានជំងឺចូលមកទទួល សេវាព្យាបាល នៅមន្ទីរពេទ្យបង្អែកខេត្ត ។ ក្នុងនោះដែរលោកក៏ បានធ្វើការណែនាំមួយចំនួន ដល់បងប្អូន គ្រួសារ របស់អ្នកជំងឺកំពុងសម្រាកព្យាបាល គឺត្រូវយកចិត្តទុកដាក់ ចំពោះការណែនាំរបស់គ្រូពេទ្យ គោរពតាមវេជ្ជបញ្ជាពេទ្យ ឲ្យបានត្រឹមត្រូវ ដើម្បីឆាប់បានជាផ្សះស្បើយពីជំងឺ ។
លោកក៏បានគូសបញ្ជាក់ថា សមាគមរបស់លោក គឺនៅតែបន្តនូវទឹកចិត្តដ៏សប្បុរសធម៌ របស់ខ្លួននៅកម្ពុជា សំខាន់ខេត្តសៀមរាប ។ ម្យ៉ាងទៀតសមាគមរ៉ូតារីក្លឹប បានធ្វើសកម្មភាព ក្នុងការលើកកម្ពស់សកម្មភាពគម្រោងអនាម័យទឹកស្អាតក្នុងសាលារៀន នៅខេត្តសៀមរាប ក្នុងគោលបំណងធ្វើឲ្យសិស្សទាំងអស់ ទទួលបានទឹកមានសុវត្ថិភាព សម្រាប់ទទួលទាន និង ប្រើប្រាស់បន្ទប់ទឹក ឲ្យបានល្អប្រសើរជាងមុន ។
លោកវេជ្ជបណ្ឌិត អ៊ិត ឆបឆរត្ន័ អនុប្រធានមន្ទីរពេទ្យបង្អែកខេត្តសៀមរាប បានថ្លែងអំណរគុណ ចំពោះសមាគមអង្គររ៉ូតារីក្លឹប ហើយអំណោយសប្បុរសធម៌នាពេលនេះ នឹងចែកជូនដល់បងប្អូនអ្នកជំងឺក្រីក្រទាំងអស់ ដែលកំពុងសម្រាកព្យាបាលនៅក្នុងមន្ទីរពេទ្យបង្អែក ខេត្តសៀមរាប លើសពីនោះ លោក ក៏បានថ្លែងអំណរគុណដល់សមាគមអង្គររ៉ូតារីក្លឹប ដែលបានចូលរួមក្នុងការលើក ស្ទួយនូវសុខភាព អនាម័យទឹកស្អាត នៅតាមសាលារៀន និង មន្ទីរពេទ្យ ។
