សមត្ថកិច្ចជំនាញបានឲ្យដឹងថា នាវេលាម៉ោងប្រហែល ២១និង៤០នាទី ថ្ងៃទី០៦ ខែ សីហា ឆ្នាំ២០១៨នេះ មាន ជនបរទេសម្នាក់បានស្លាប់ នៅក្នុងមន្ទីរពេទ្យអន្តរជាតិរ៉ូយ៉ាល់អង្គរ ស្ថិតក្នុងភូមិកសិកម្ម សង្កាត់ស្រង៉ែ ក្រុងសៀមរាប មានឈ្មោះ DIWO THIERRYOLIVIER ភេទ ប្រុស កើតឆ្នាំ១៩៣៨ ជនជាតិបារាំង កាន់លិខិតឆ្លងដែនលេខ ១៤ FV០៣១៩៤ ទិដ្ឋាការស្នាក់នៅលេខ EI០០៩៥២៦១៧ ផុតកំណត់ថ្ងៃទី ២៩ ខែ សីហា ឆ្នាំ ២០១៨ មុខរបរចូលនិវត្តន៍ ស្នាក់នៅផ្ទះជាមួយប្រពន្ធឈ្មោះ ជុង សុខា ជនជាតិខ្មែរ នៅភូមិវត្តស្វាយ សង្កាត់សាលាកំរើក ក្រុងសៀមរាប ។
តាមការសាកសួរប្រពន្ធបានឲ្យដឹងថា នាវេលាម៉ោងប្រហែល១៤នាទី ថ្ងៃទី០៦ ខែសីហា ឆ្នាំ២០១៨ ប្តីរបស់ខ្លួនមានអាក្ការ:ឈឺក្បាលខ្លាំង ហើយត្រូវបានបញ្ជូនមកសង្គ្រោះនៅមន្ទីរពេទ្យអន្តរជាតិរ៉ូយ៉ាល់អង្គរ រហូតដល់វេលាម៉ោងប្រហែល២១:៤០នាទី ជនរងគ្រោះក៏បានស្លាប់ ហើយសាកសពត្រូវបានតម្កល់ទុកបណ្តោះអាសន្ននៅមន្ទីរពេទ្យអន្តរជាតិរ៉ូយ៉ាល់អង្គរ ។
តាមការពិនិត្យនិងធ្វើកោសល្យវិច័យរបស់សមត្ថកិច្ចជំនាញ នៅលើខ្លួនមុខមាត់ក្បាលដងខ្លួននិងអវៈយវៈសព គឺពុំមានស្លាកស្នាមអ្វីគួរឲ្យកត់សម្គាល់ដែលពាក់ព័ន្ធនឹងបទល្មើសព្រហ្មទ័ណ្ឌទេ ហើយតាមការសន្និដ្ឋានរបស់លោកវេជ្ជបណ្ឌិតអ៊ិតឆប ឆរ័ត្ន គ្រូពេទ្យអមសាលាដំបូងខេត្តសៀមរាប បានបញ្ជាក់ថា ជនរងគ្រោះដែលស្លាប់ គឺដោយសារមានជម្ងឺមហារីកសួតបណ្តាលឲ្យខ្វះអុកស៊ីសែនចិញ្ចឹមខួរក្បាលរយៈពេលយូរ ធ្វើឲ្យស្លាប់ខួរក្បាល ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត