នាព្រឹកថ្ងៃទី២៤ ខែឧសភា ឆ្នាំ២០២៤នេះ ក្រសួងទេសចរណ៍ សហការជាមួយរដ្ឋបាលខេត្តសៀមរាប បានរៀបចំពិធីក្រុងពាលីបួងសួងសុំសេចក្ដីសុខតាមប្រពៃណីទំនៀមទំលាប់ខ្មែរ ត្រៀមបើកព្រឹត្តិការណ៍ Siem Reap Bike Week នៅអាកាសយានដ្ឋានអន្តរជាតិសៀមរាបចាស់ ក្រោមវត្តមាន ឯកឧត្តម គុជ បញ្ញាសា រដ្ឋលេខាធិការក្រសួងទេសចរណ៍ និងលោក សំកុល សុចិត្រា អភិបាលរងខេត្ត ដោយមានការចូលរួមពីថ្នាក់ដឹកនាំ និងអ្នកមុខអ្នកការជាច្រើនរូប។
ព្រឹត្តិការណ៍ការ Siem Reap Bike Week ជាព្រឹត្តិការណ៍មួយដ៏សំខាន់ក្នុងការចូលរួមលើកកម្ពស់វិស័យទេសចរណ៍ក្នុងខេត្តសៀមរាប ដែលព្រឹត្តិការណ៍នេះនឹងចាប់ផ្តើមពីថ្ងៃទី២៤-២៦ ខែឧសភា ឆ្នាំ២០២៤ នៅក្នុងបរិវេណអាកាសយានដ្ឋានអន្តរជាតិចាស់ ខេត្តសៀមរាប។ ព្រឹត្តិការណ៍នេះដែរ ក៏ជាឱកាសក្នុងការជំរុញបង្កើនការផ្សព្វផ្សាយពីសក្តានុពលទេសចរណ៍ដ៏សម្បូរបែបរបស់កម្ពុជា ជាពីសេសខេត្តសៀមរាប ឱ្យកាន់តែទូលំទូលាយទៅកាន់ទីផ្សារអន្តរជាតិ។ ការរៀបចំព្រឹត្តិការណ៍នេះ គឺស្របតាមអនុសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលតែងតែលើកទឹកចិត្តដល់ការរៀបចំព្រឹត្តិការណ៍ទេសចរណ៍ក្នុងខេត្តសៀមរាប ឲ្យបានកាន់តែច្រើន ហើយក៏ស្របតាមយុទ្ធនាការឆ្នាំទស្សនាសៀមរាបឆ្នាំ២០២៤ ផងដែរ។
សូមជម្រាបដែរថា នៅក្នុងព្រឹត្តិការណ៍ Siem Reap Bike Week គឺដើម្បីរៃអង្គាសថវិកាបរិច្ចាគជូនដល់វិទ្យាល័យអប់ពិសេសសៀមរាប (កុមារគថ្លង់) ហើយក្នុងនោះនឹងមានកម្មវិធីជាច្រើនដូចជា៖ ការប្រណាំងឡាន ប្រណាំងម៉តូ ការបង្ហាញឈុតប៉ារ៉ាម៉ូតូ និង Microlight ក្បូនដង្ហែរឡាន និងម៉ូតូ ការបង្ហាញឈុតម៉ូតូត្រៃ កម្មវិធីបង្ហាញសូម៉ូតូ (Motorbike Show) ព្រមទាំងមានការរៀបចំ ស្តង់តាំងពិព៌ណ និងម្ហូបអាហារ ការប្រគុំតន្ត្រីដែលមានការចូលរួមពីតារាចំរៀង និងឌីជេល្បីៗ។ សូមបញ្ជាក់ថាតាមរយៈកម្មវិធីព្រឹត្តិការណ៍ Siemreap Bike Weekនេះដែរ ផងដែរ ៕
អត្ថបទ និងរូបភាព៖ លោក ទ្រា ពន្លឺ
កែសម្រួល៖ លោក អ៊ុន ណារាជ្យ
