ក្នុងឱកាសជួបសម្តែងការគួរសម និងពិភាក្សាការងារជាមួយលោកស្រី យូ សុភា អភិបាលរងខេត្ត និង ជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលខេត្តសៀមរាប កាលពីថ្ងៃទី២៤ ខែឧសភា ឆ្នាំ២០១៩ ម្សិលមិញនេះ លោក ស្រី CHEN ANLI អភិបាលរងខេត្ត Hubei នៃសាធារណរដ្ឋប្រជាមានិតចិន បានបញ្ជាក់ថា ការអញ្ជើញមកទស្សនកិច្ច នៅក្នុងខេត្តសៀមរាប នាពេលនេះ គឺក្នុងគោលបំណង ដើម្បីពង្រឹង និងពង្រីកកិច្ចសហប្រតិបត្តិការមិត្តភាពរវាងខេត្តទាំងពីរ ខេត្តHubei និង ខេត្តសៀមរាប ឲ្យកាន់តែប្រសើរឡើងថែមទៀត ខណៈដែលប្រទេសយើងទាំងពីរ ធ្លាប់មាន ចំណងទាក់ទងល្អជាមួយគ្នា តាំងពីនៅក្នុងសម័យសង្គមរាស្ត្រនិយម ក្រោមព្រះរាជកិច្ចដឹកនាំរបស់ ព្រះបាទសម្តេចនរោត្តម សី ហនុ ព្រះបរមរតនកោដ្ឋិ តាមរយៈការបង្កើតទំនាក់ទំនងការទូតរវាងប្រទេសទាំងពីរ ហើយជាបន្តបន្ទាប់ត្រូវបានលើកកម្ពស់ និងមានការផ្លាស់ប្តូរជាបនន្តបន្ទាប់ទាំងក្នុងក្របខ័ណ្ឌនិងគោលនយោបាយ។
លោក ស្រី CHEN ANLI បញ្ជាក់ទៀតថា ដើម្បីរឹតចំណងមិត្តភាពកាន់តែល្អ ថ្នាក់ដឹកនាំនៃខេត្តទាំងពីរស្នើពិនិត្យលទ្ធភាពក្នុងការចុះអនុស្សរណៈយោគយល់គ្នា ដើម្បីធ្វើការផ្លាស់ប្តូរបទពិសោធន៍រវាងគ្នាទៅវិញទៅមក លើគ្រប់វិស័យ ពិសេស វិស័យទេសចរណ៍ វិស័យអប់រំ វិស័យសុខាភិបាល និងវិស័យកសិកម្ម។
សូមបញ្ជាក់ថា ការចុះអនុសារណនៃគំនិតផ្តួចផ្តើម “ខ្សែក្រវាត់មួយផ្លូវមួយ” រវាងថ្នាក់ដឹកនាំប្រទេសទាំងពីរ គឺ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយឯកឧត្តម ស៊ី ជិនពីង ប្រធានាធិបតីនៃសាធារណរដ្ឋប្រជា មានិតចិន ជាការផ្តល់ឱកាសសម្រាប់ប្រទេសកម្ពុជា និងប្រទេសចិន ក្នុងការបើកទំព័រថ្មី ក៏ដូចជាការរឹតចំណងមិត្តភាពបន្ថែមទៀត អំពីភាពជាដៃគូជាយុទ្ធសាស្ត្រគ្រប់ជ្រុងជ្រោយ នាពេលបច្ចុប្បន្ន ។
ព័ត៌មានជាតិ ថ្មីៗ
ឈរលើមូលដ្ឋានកិច្ចសហប្រតិបត្តិការទ្វេភាគី រវាងប្រទេសទាំងពីរ ទទួលបាននូវការរីកចម្រើនគួជាទីមោទនៈ ដែលត្រូវបានឆ្លុះបញ្ចាំងឡើងជាពិសេស តាមរយៈការផ្លាស់ប្តូរទស្សន កិច្ចកាន់តែញឹកញាប់រវាងថ្នាក់ដឹកនាំប្រទេស និងប្រជាជន រវាងប្រទេសទាំងពីរកាន់តែសកម្ម និងផុសផុល ៕
អត្ថបទ និង រូបថត : Facebook រដ្ឋបាលខេត្តសៀមរាប
