ការដាក់ដេញថ្លៃគម្រោងសាងសងបេតុងអាមេ ១ខ្សែ ឃុំខ្នារពោធិ ស្រុកសូទ្រនិគម ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី០៣ ខែកក្កដា ឆ្នាំ២០២៤ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោក គឿន ឈឹង ប្រធានគណៈកម្មការលទ្ធកម្មឃុំខ្នារពោធិ ស្រុកសូទ្រនិគម បានឲ្យដឹងថា ចំពោះគម្រោងមូលនិធិឃុំឆ្នាំ២០២៤នេះ ឃុំខ្នារពោធិ បានដាក់ដេញថ្លៃគម្រោងសាងសង់ផ្លូវបេតុងអាមេ១ខ្សែ ប្រវែង១៩៩ម៉ែត្រ ទទឹង៥ម៉ែត្រ កម្រាស់០.១៥ម៉ែត្រ ស្លាកសញ្ញាចរាចរណ៍ចំនួន២ និងស្លាកសញ្ញាគម្រោងចំនួន១ ក្នុងតម្លៃប៉ាន់ស្មាន ១១៣.៥៩៥.១២៤រៀល ដោយមានក្រុមហ៊ុនចំនួន៥ បានដាក់សំណើរ។ ជាលទ្ធផលបានទៅលើក្រុមហ៊ុន យ៉ែម សុខងីម ក្នុងតម្លៃ ៥៤.១២៨.០០០រៀល។
ជាមួយនឹងការទទួលបានសិទ្ធនៃការសាងសង់នេះ តំណាងក្រុមហ៊ុនម៉ៅការទាំងពីរ បានធ្វើការប្ដេជ្ញាចិត្ត ដោយសន្យាសាងសង់ឲ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដែលចែងនៅក្នុងកិច្ចសន្យា៕
អត្ថបទ និងរូបភាព៖ លោក ស៊ុំ គីន
កែសម្រួល៖ លោក អ៊ុន ណារាជ្យ
