អាជ្ញាធរស្រុកបន្ទាយស្រី បញ្ជាក់ថា ថ្ងៃនេះ ជំនន់ទឹកភ្លៀងនៅស្រុកបន្ទាយស្រី បានស្រកវិញអស់ហើយ
មានប្រសាសន៍កាលពីព្រឹកថ្ងៃទី១០ ខែសីហា ឆ្នាំ២០១៨ ព្រឹកមិញនេះ លោក ណុប វុទ្ធី អភិបាលស្រុកបន្ទាយស្រី បានបញ្ជាក់ថា ស្ថានភាពជំនន់ទឹកភ្លៀង ដែលមានភ្លៀងធ្លាក់ខ្លាំងនៅតំបន់លើភ្នំគូលែន កាលពីយប់ថ្ងៃទី០៨ ខែសីហា ឆ្នាំ២០១៨ ធ្វើឱ្យទឹកហូរធ្លាក់មកច្រើនបណ្តាលឱ្យលិចផ្លូវមួយចំនួន និងផ្ទះរបស់ប្រជាពលរដ្ឋ ចំនួន២ភូមិ គឺភូមិត្បែង និងភូមិតានី លិចជាអន្លើៗ ព្រោះតែប្រព័ន្ធលូហូរឆ្លងកាត់ផ្លូវលេខ៦៧ មានការកកស្ទះ ដែលធ្វើឱ្យទឹកហូរឆ្លងកាត់ពីម្ខាងទៅម្ខាងទៀតមិនរួចនោះ នៅថ្ងៃទី១០ ខែសីហា ឆ្នាំ២០១៨ នេះ ជំនន់ទឹកភ្លៀងនេះ បានស្រកទៅវិញអស់ហើយ ៕
រូបថត ៖ សហការី
