ក្នុងឱកាសបិទការដ្ឋានគម្រោងជួសជុលផ្លូវដីសក្រាលគ្រួសក្រហមមួយខ្សែ ប្រវែង១.៧៣០ម៉ែត្រ ស្ថិតក្នុងឃុំដានរុន ស្រុកសុទ្រនិគម ក្រោមវត្តមានលោក ម៉ក់ ប្រុស អភិបាលស្រុកសូទ្រនិគម និងក្រុមការងារបច្ចេកទេសសាលាខេត្តសៀមរាប កាលពីថ្ងៃទី២៨ ខែឧសភា ឆ្នាំ២០១៩ម្សិលមិញនេះ ក្រុមការងារបច្ចេកទេសសាលាខេត្ត បានចុះពិនិត្យការជួសជុលផ្លូវដីសក្រាលគ្រួសក្រហមមួយខ្សែនេះ ឃើញថា ក្រុមហ៊ុនទទួលការសាងសង់ បានអនុវត្តស្របទៅកិច្ចសន្យាដោយកិនបង្ហាប់ និងចាក់គ្រួសក្រហមតាមកាលកំណត់ ។
លោក ម៉ក់ ប្រុស អភិបាលស្រុកសូទ្រនិគម មានប្រសាសន៍ថា សមិទ្ធផលនានា ក្នុងស្រុកសូទ្រនិគម បាននឹងកំពុងអភិវឌ្ឍន៍ឥតឈប់ឈរ ក្រោមការដឹកនាំយ៉ាងយកចិត្តទុកដាក់បំផុតរបស់ថ្នាក់ដឹកនាំគ្រប់លំដាប់ថ្នាក់ និងបានបម្រើផលប្រយោជន៍សាធារណៈជាច្រើន សម្រាប់ប្រជាជនក្នុងស្រុកសូទ្រនិគម ៕
អត្ថបទ និង រូបថត ៖ លោក អ៊ិន សីហរិទ្ធ
កែសម្រួលអត្ថបទ ៖ លោក លីវ សាន្ត
