មានប្រសាសន៍នៅកិច្ចប្រជុំផ្សព្វផ្សាយផែនការការពារ ធានាសន្តិសុខ សុវត្ថិភាព នាព្រឹកថ្ងៃទី២៨ ខែឧសភា ឆ្នាំ២០១៩ ម្សិល មិញនេះ លោកឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប បានដាស់តឿន និង ក្រើនរំលឹកដល់ថ្នាក់ដឹកនាំនិងកងកម្លាំងនគរបាលទាំងអស់ក្នុងខេត្ត ត្រូវបង្កើនការយកចិត្តទុកដាក់ប្រមូលផ្តុំកម្លាំង ត្រៀមប្រចាំការក្នុងការចេញអន្តរាគមន៍ជួយប្រជាពលរដ្ឋឲ្យបានទាន់ពេលវេលា នៅហេតុការមានករណីកើតឡើងជាយថាហេតុណា មួយ ជាពិសេស ត្រូវសហការគ្នាឲ្យបានល្អ នៅតាមបណ្តាគោល ដៅនិមួយៗក្នុងភូមិសាស្ត្រដែលទទួលខុសត្រូវ ក្នុងការការពារនិងបង្ការទប់ស្កាត់បទល្មើសគ្រប់ប្រភេទ រក្សាការពារ និងធានាសន្តិសុខសុវត្ថិភាពជូនថ្នាក់ដឹកនាំ និងគណៈប្រតិភូជាន់ខ្ពស់ជាតិ អន្តរជាតិ និងប្រជាពលរដ្ឋ ត្រូវវិភាគវាយតម្លៃនូវរាល់សភាព ការណ៍់សកម្មភាព និងឧបាយកលចិត្តសាស្ត្រនានា ដែលប៉ុនប៉ងបំផ្លិចបំផ្លាញ ឬការបង្កចលាចលណាមួយ ដែលធ្វើឲ្យបាត់សណ្តាប់ធ្នាប់របៀបរៀបរយក្នុងសង្គម ព្រមទាំងត្រូវមានវិធានការម្ចាស់ការ ដើម្បីវាយបកទប់ស្កាត់ និងដោះស្រាយឲ្យបានទាន់ពេលវេលានិងមានប្រសិទ្ធភាព ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
ព័ត៌មានជាតិ ថ្មីៗ
