ក្រុមម៉ូតូធំចំនួន ៣១គ្រឿង ដឹកនាំដោយ ឯកឧត្តម ជា ច័ន្ទបរិបូណ៍ រដ្ឋលេខាធិការក្រសួងព័ត៌មាន ជាប្រធានក្រុមម៉ូតូធំ បានធ្វើដំណើរទស្សនកិច្ចស្វែងយល់តំបន់ទេសចរណ៍ និងវឌ្ឍនភាពរីកចម្រើនរបស់ខេត្តមណ្ឌលគិរី នាភូមិភាគឦសាន នាថ្ងៃទី២៤ ខែកញ្ញា ឆ្នាំ២០២៤ ក្រុមម៉ូតូធំបានមកដល់ទឹកដីខេត្តមណ្ឌលគិរី ដោយសុវត្ថិភាព និងពិសារអាហារសាមគ្គី ប្រកបដោយបរិយាកាសសប្បាយរីករាយ និងស្និតស្នាលបំផុត នៅមន្ទីរព័ត៌មានខេត្តមណ្ឌលគិរី។
ឯកឧត្តម ជា ច័ន្ទបរិបូណ៍ បានឱ្យដឹងថា ដោយបានការលើកទឹកចិត្តពីប្រមុខរាជរដ្ឋាភិបាល ដើម្បីស្វែងយល់ពីសក្តានុពលទេសចរណ៍ធម្មជាតិ និងវឌ្ឍនភាពរីកចម្រើនរបស់ខេត្តនៅតំបន់ភូមិភាគឦសាន នេះជាលើកទី១ ដែលក្រុមម៉ូតូធំចំនួន៣១គ្រឿង មានសមាជិក៤២នាក់ បានធ្វើដំណើរកម្សាន្តតាមខេត្តទាំង៤ នៃភាគឦសានប្រទេសកម្ពុជា គឺខេត្តក្រចេះ ១យប់១ថ្ងៃ ខេត្តស្ទឹងត្រែង ១យប់១ថ្ងៃ ខេត្តរតនគិរី ១យប់១ថ្ងៃ និងខេត្តមណ្ឌលគិរី ១យប់១ថ្ងៃ មុននឹងបន្តដំណើរទៅរាជធានីភ្នំពេញវិញ។
ឯកឧត្តមបន្តថា ខេត្តមណ្ឌលគិរី គឺជាខេត្តដែលមានសក្តានុពលក្នុងវិស័យទេសចរណ៍ មានទេសភាពដ៏ស្រស់ស្អាតប្រៀបដូចឋានសួគ៌ក្រោមមេឃ ដែលមានអាធាតុដ៏ត្រជាក់ជាងគេ សមាជិកក្រុមម៉ូតូធំទាំងអស់ពិតជាមានក្តីរំភើបរីករាយ ដោយមិននឹកស្មានថា ខេត្តភាគឦសានដែលសំបូរដោយបងប្អូនជនជាតិដើមភាគតិចមួយនេះ មានការរីកចម្រើនលើគ្រប់វិស័យ ជាពិសេសក្រុងសែនមនោរម្យ មានហេដ្ឋារចនាសម្ព័ន្ធផ្លូវក្រាលកៅស៊ូខ្វាត់ខ្វែង អគារធំតូចច្រើនស្អេកស្កះ អគ្គិសនីនាពេលរាត្រីភ្លឺព្រោងព្រាតតាមដងវិថីនានា ព្រមទាំងមានបរិស្ថាន អនាម័យល្អស្អាតមិនចាញ់ខេត្តនានានោះឡើយ។ ទាំងនេះសរបញ្ជាក់អោយឃើញពីការខិតខំប្រែងរបស់អាជ្ញាធរខេត្តមណ្ឌលគិរី ក្រោមការដឹកនាំរបស់រាជរដ្ឋាភិបាលកម្ពុជា ដែលមានសម្តេចធិបតី ហ៊ុន ម៉ាណែត ជាប្រមុខ។
ព័ត៌មានជាតិ ថ្មីៗ
សូមបញ្ជាក់ថា ក្រុមម៉ូតូធំបានធ្វើដំណើរទស្សនកិច្ចស្វែងយល់តំបន់ទេសចរណ៍ និងវឌ្ឍនភាពរីកចម្រើនរបស់ នាតំបន់ភូមិភាគឦសាន រយៈពេល ៤យប់៥ថ្ងៃចាប់ពីថ្ងៃទី២១-២៤ ខែកញ្ញា ឆ្នាំ២០២៤ ។ ដោយឡែកនៅក្នុងខេត្តមណ្ឌលគិរី ក្រុមម៉ូតូធំបានធ្វើដំណើរលំហែកម្សាន្តនៅរង្វង់មូលគោព្រៃ និងតំបន់ទេសចរដ៏ស្រស់ស្អាតមួយចំនួន និងទៅទស្សនាបង្គោលព្រំដែន នៅខេត្តមណ្ឌលគិរី ទៀតផង៕
អត្ថបទ និង រូបភាព៖ មន្ទីរព័ត៌មានខេត្តមណ្ឌលគិរី
