ថ្ងៃទី២៩ ខែឧសភា ឆ្នាំ២០១៩ លោកវរសេនីយ៍ឯក មឿង សាវន់ មេបញ្ជាការរងតំបន់ប្រតិបត្តិការសឹករងខេត្តសៀមរាប តំណាងឯកឧត្តម ឧត្តមសេនីយ៍ទោ ស៊ិន ភាត់ មេបញ្ជាការ តំបន់ប្រតិបត្តិការសឹករងខេត្តសៀមរាប បានដឹកនាំក្រុមការងារ ចុះទៅសួរសុខទុក្ខ និងបាននាំអំណោយជូនមន្ត្រីក្រោមឱវាទដែលជួបគ្រោះថ្នាក់ចរាចរណ៍កាលពីខែមេសា ឆ្នាំ២០១៩កន្លងទៅ។
លោក វរៈសេនីយ៍ ឯក មឿង សាវន់ បានពាំនាំនូវការផ្តាំផ្ញើសួរសុខទុក ពីសំណាក់ ឯកឧត្តម ឧត្តមសេនីយ៍ទោ ស៊ិន ភាត់ ដល់លោកស្រី អនុសេនីយ៍ឯក ប៉ាង ប៉ុណ្ណារ័ត្ន នាយគិលានដ្ឋាន របស់តំបន់ប្រតិបត្តិការសឹករងខេត្តសៀមរាប ត្រូវថែរក្សាសុខភាព ដើម្បីឲ្យឆាប់ជាសះស្បើយ និងត្រឡប់ទៅបម្រើការងារវិញប្រកបដោយរាងកាយមាំមួន។
អំណោយរបស់ឯកឧត្តម ឧត្តមសេនីយ៍ទោ ស៊ិន ភាត់ ដែលចែកជូននាពេលនោះរួមមាន ថវិកា៤០០០០០រៀល អង្ករ ៥០គ.ក ត្រីខកំប៉ុងចំនួន ០២ យួរ៕
អត្ថបទ និង រូបថត៖ លោក គឿន វេត
កែសម្រួលអត្ថបទ ៖ លោក សេង ផល្លី
