នៅថ្ងៃទី១៦ ខែតុលានេះ នៅអាកាសយានដ្ឋានអន្ដជាតិ សៀមរាប អង្គរ មានរៀបចំពិធីអបអរសាទរគម្រប់ខួប ០១ឆ្នាំ នៃការបើកដំណើរការជាផ្លូវការរបស់ខ្លួន ដែលមានជាអធិបតីពី ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិល និង ឯកឧត្តម Wang Wenbin ឯកអគ្គរដ្ឋទូត នៃសាធារណរដ្ឋប្រជាមានិចិន ប្រចាំកម្ពុជា និងចូលរួមពីសំណាក់ ឯកឧត្តម ប្រាក់ សោភ័ណ អភិបាលខេត្តសៀមរាប ព្រមទាំងភ្ញៀវកិត្តិយសជាតិ និងអន្តរជាតិជាច្រើនទៀត។
ថ្លែងនាឱកាសនោះ ឯកឧត្តមបណ្ឌិត ម៉ៅ ហាវណ្ណាល់ លើកឡើងថា រយៈពេលជាង៣០ឆ្នាំចុងក្រោយ នៃការកសាងព្រះរាជាណាចក្រកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធាន ព្រឹទ្ធសភា បានជួយឱ្យប្រទេសជាតិមានស្ថេរភាពនយោបាយ សុខសន្តិភាព ឯកភាពជាតិ និងការអភិវឌ្ឍ តាមរយៈនយោបាយឈ្នះ-ឈ្នះ ប្រកបដោយពិពិធកម្ម។ សមិទ្ធផល ដ៏ឧត្តុង្គឧត្តមនេះ គឺជាមរតក របស់ជាតិ ដែលកំពុងត្រូវបានថែរក្សា និងបន្តអភិវឌ្ឍ ប្រកបដោយភាពអង់អាចស្វាហាប់ និង បញ្ញាញាណឈ្លាសវៃ ដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី។
ឯកឧត្ដមបន្ដថា អាកាសយានដ្ឋានអន្តរជាតិសៀមរាប-អង្គរ (SAI) នេះ គឺជាសមិទ្ធផលមួយ ដែលកើតចេញពី “គំនិតផ្តួចផ្តើមខ្សែក្រវ៉ាត់និងផ្លូវ ក្រោមកិច្ចសហប្រតិបត្តិការកម្ពុជា-ចិន ដែលបានកំពុងលើកកម្ពស់កិច្ចសហប្រតិបត្តិការរវាងប្រទេសទាំងពីរ ជាពិសេសគំនិតផ្តួចផ្តើមនេះ បានពង្រីកនូវកិច្ចសហការយ៉ាងលឿន ទៅលើវិស័យសំខាន់ៗសម្រាប់ជាប្រយោជន៍ដល់ការកែលម្អ ការអភិវឌ្ឍសេដ្ឋកិច្ចនៃប្រទេសទាំងពីរ រួមមាន ការពង្រឹងផលិតភាពសេដ្ឋកិច្ច, ការបង្កើនពាណិជ្ជកម្ម ឧស្សាហកម្ម, ទេសចរណ៍, ការវិនិយោគលើ វិស័យកសិកម្ម វិស័យដឹកជញ្ជូន ព្រមទាំងទំនាក់ទំនងគ្នាទៅវិញទៅមក រវាងប្រជាជន និងប្រជាជន។
ឯកឧត្ដម រដ្ឋលេខាធិការ បានគូសបញ្ជាក់ថា ក្នុងអាណត្តិទី៧នេះ ការអភិវឌ្ឍវិស័យអាកាសចរណ៍ស៊ីវិល នៅតែជារបៀបវារៈដ៏សំខាន់ នៃគោលនយោបាយរបស់រាជរដ្ឋាភិបាលកម្ពុជា ដើម្បីជំរុញការតភ្ជាប់ទីផ្សារក្នុងស្រុក និងអន្តរជាតិ ទៅលើវិស័យសំខាន់ៗនានា និងការបង្កើតការងារ ព្រមទាំងជាចលនាកររុញច្រានការវិវឌ្ឍផ្នែកសង្គម-សេដ្ឋកិច្ច ស្របពេល ដែលកម្ពុជាកំពុងត្រៀមខ្លួនប្រែក្លាយ ទៅជាប្រទេសមានចំណូលមធ្យមកម្រិតខ្ពស់ និងប្រទេសចំណូលខ្ពស់។
គួរជម្រាបថា គិតត្រឹមពាក់កណ្ដាលខែតុលា ឆ្នាំ២០២៣ ដល់ដំណាច់ខែកញ្ញា ឆ្នាំ២០២៤ អាកាសយានដ្ឋានអន្តរជាតិសៀមរាបអង្គរ ទទួលបាន៖ ជើងហោះហើរ ចេញ-ចូល (ទ្វេទិស) មានចំនួនជាង ១៤ ០០០ជើង ទទួលបានអ្នកដំណើរ ចេញ-ចូល (ទ្វេទិស) មានចំនួនជាង ១ ៣០០ ០០០នាក់ នេះបើតាមសេចក្តីប្រកាសព័ត៌មានអាកាសយានដ្ឋានអន្តរជាតិសៀមរាបអង្គរ។
អាកាសយានដ្ឋានអន្ដជាតិ សៀមរាប អង្គរ ប្រារព្ធខួបមួយឆ្នាំ នៃការបើកដំណើរការជាផ្លូវការរបស់ខ្លួន
នៅថ្ងៃទី១៦ ខែតុលានេះ នៅអាកាសយានដ្ឋានអន្ដជាតិ សៀមរាប អង្គរ មានរៀបចំពិធីអបអរសាទរគម្រប់ខួប ០១ឆ្នាំ នៃការបើកដំណើរការជាផ្លូវការរបស់ខ្លួន ដែលមានជាអធិបតីពី ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិល និង ឯកឧត្តម Wang Wenbin ឯកអគ្គរដ្ឋទូត នៃសាធារណរដ្ឋប្រជាមានិចិន ប្រចាំកម្ពុជា និងចូលរួមពីសំណាក់ ឯកឧត្តម ប្រាក់ សោភ័ណ អភិបាលខេត្តសៀមរាប ព្រមទាំងភ្ញៀវកិត្តិយសជាតិ និងអន្តរជាតិជាច្រើនទៀត។
ថ្លែងនាឱកាសនោះ ឯកឧត្តមបណ្ឌិត ម៉ៅ ហាវណ្ណាល់ លើកឡើងថា រយៈពេលជាង៣០ឆ្នាំចុងក្រោយ នៃការកសាងព្រះរាជាណាចក្រកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធាន ព្រឹទ្ធសភា បានជួយឱ្យប្រទេសជាតិមានស្ថេរភាពនយោបាយ សុខសន្តិភាព ឯកភាពជាតិ និងការអភិវឌ្ឍ តាមរយៈនយោបាយឈ្នះ-ឈ្នះ ប្រកបដោយពិពិធកម្ម។ សមិទ្ធផល ដ៏ឧត្តុង្គឧត្តមនេះ គឺជាមរតក របស់ជាតិ ដែលកំពុងត្រូវបានថែរក្សា និងបន្តអភិវឌ្ឍ ប្រកបដោយភាពអង់អាចស្វាហាប់ និង បញ្ញាញាណឈ្លាសវៃ ដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី។
ឯកឧត្ដមបន្ដថា អាកាសយានដ្ឋានអន្តរជាតិសៀមរាប-អង្គរ (SAI) នេះ គឺជាសមិទ្ធផលមួយ ដែលកើតចេញពី “គំនិតផ្តួចផ្តើមខ្សែក្រវ៉ាត់និងផ្លូវ ក្រោមកិច្ចសហប្រតិបត្តិការកម្ពុជា-ចិន ដែលបានកំពុងលើកកម្ពស់កិច្ចសហប្រតិបត្តិការរវាងប្រទេសទាំងពីរ ជាពិសេសគំនិតផ្តួចផ្តើមនេះ បានពង្រីកនូវកិច្ចសហការយ៉ាងលឿន ទៅលើវិស័យសំខាន់ៗសម្រាប់ជាប្រយោជន៍ដល់ការកែលម្អ ការអភិវឌ្ឍសេដ្ឋកិច្ចនៃប្រទេសទាំងពីរ រួមមាន ការពង្រឹងផលិតភាពសេដ្ឋកិច្ច, ការបង្កើនពាណិជ្ជកម្ម ឧស្សាហកម្ម, ទេសចរណ៍, ការវិនិយោគលើ វិស័យកសិកម្ម វិស័យដឹកជញ្ជូន ព្រមទាំងទំនាក់ទំនងគ្នាទៅវិញទៅមក រវាងប្រជាជន និងប្រជាជន។
ឯកឧត្ដម រដ្ឋលេខាធិការ បានគូសបញ្ជាក់ថា ក្នុងអាណត្តិទី៧នេះ ការអភិវឌ្ឍវិស័យអាកាសចរណ៍ស៊ីវិល នៅតែជារបៀបវារៈដ៏សំខាន់ នៃគោលនយោបាយរបស់រាជរដ្ឋាភិបាលកម្ពុជា ដើម្បីជំរុញការតភ្ជាប់ទីផ្សារក្នុងស្រុក និងអន្តរជាតិ ទៅលើវិស័យសំខាន់ៗនានា និងការបង្កើតការងារ ព្រមទាំងជាចលនាកររុញច្រានការវិវឌ្ឍផ្នែកសង្គម-សេដ្ឋកិច្ច ស្របពេល ដែលកម្ពុជាកំពុងត្រៀមខ្លួនប្រែក្លាយ ទៅជាប្រទេសមានចំណូលមធ្យមកម្រិតខ្ពស់ និងប្រទេសចំណូលខ្ពស់។
គួរជម្រាបថា គិតត្រឹមពាក់កណ្ដាលខែតុលា ឆ្នាំ២០២៣ ដល់ដំណាច់ខែកញ្ញា ឆ្នាំ២០២៤ អាកាសយានដ្ឋានអន្តរជាតិសៀមរាបអង្គរ ទទួលបាន៖ ជើងហោះហើរ ចេញ-ចូល (ទ្វេទិស) មានចំនួនជាង ១៤ ០០០ជើង ទទួលបានអ្នកដំណើរ ចេញ-ចូល (ទ្វេទិស) មានចំនួនជាង ១ ៣០០ ០០០នាក់ នេះបើតាមសេចក្តីប្រកាសព័ត៌មានអាកាសយានដ្ឋានអន្តរជាតិសៀមរាបអង្គរ។
អត្ថបទ និងរូបភាព៖ បូ សាវី
កែសម្រួល៖ មន្ទីរព័ត៌មានខេត្តសៀមរាប
