នៅថ្ងៃទី២៨ ខែតុលា ឆ្នាំ២០២៤ នៅសាលប្រជុំលេខមួយនៃរដ្ឋបាលខេត្ដសៀមរាប លេខាធិការដ្ឋានគណៈកម្មាធិការប្រយុទ្ធប្រឆាំងអំពើជួញដូរមនុស្ស បានបើកកិច្ចប្រជុំរបស់ខ្លួន ក្រោមអធិបតីភាព លោកស្រីឧត្តមសេនីយ៍ត្រី ដួង ថាវរី ស្នងការរងនគរបាលខេត្ត និងជាអនុប្រធានលេខាធិការដ្ឋានគណៈកម្មាធិការប្រយុទ្ធប្រឆាំងអំពើជួយដូរមនុស្សខេត្តសៀមរាប ព្រមទាំងមានការអញ្ជើញចូលរួមពី សមាជិក សមាជិកា លេខាធិការដ្ឋាន គ.ខ.ប.ជ មន្ទីរស្ថានប័ន អង្គការដៃគូដែលពាក់ព័ន្ឋជុំវិញខេត្ត ជាច្រើនរូបផងដែរ។
នៅក្នុងកិច្ចប្រជុំ បានពិនិត្យលើសេចក្ដីព្រៀងរបាយការណ៍ប្រចាំខែតុលា ឆ្នាំ២០២៤ ពិនិត្យលើបញ្ហាដែលសេសសល់ការពីកិច្ចប្រជុំប្រចាំខែកញ្ញា កន្លងមក ព្រមទាំងពិនិត្យ និងពិភាក្សាលើបញ្ហាប្រឈម ពាក់ព័ន្ធការងារប្រយុទ្ធប្រឆាំងអំពើជួញដូរមនុស្ស និងបញ្ហាចំណាកស្រុក ព្រមទាំងបញ្ហាផ្សេងៗ និងសំណូមពរមួយចំនួនផងដែរ។
លោកស្រីឧត្តមសេនីយ៍ត្រី ដួង ថាវរី ស្នងការរងនគរបាលខេត្តសៀមរាប និងជាអនុប្រធានលេខាធិការដ្ឋានគ.ខ.ប.ជ មានប្រសាសន៍កោតសរសើរដល់ស្មារតីទទួលខុសត្រូវ និងការខិតខំប្រឹងប្រែងរបស់មន្ត្រីបង្គោលនៃក្រុមការងារ និងសមាជិក លេខាធិការដ្ឋាន ដែលបានចូលរួមយ៉ាងសកម្មក្នុងការងារប្រយុទ្ធប្រឆាំងអំពើជួយញដូរមនុស្ស និងការទប់ស្កាត់ការធ្វើចំណាកស្រុកមិនស្របច្បាប់ និងជួយសង្គ្រោះជនរងគ្រោះបានជាបន្តបន្ទាប់។
លោកស្រី បានបញ្ជាក់ថា លេខាធិការដ្ឋាន គ.ខ.ប.ជ ជាសេនាធិការបានបំពេញតួនាទីជាយន្តការថ្នាក់ខេត្ត ដើម្បីប្រឆាំង និងបង្ក្រាបនូវអំពើជួញដូរមនុស្សនៅក្នុងខេត្តព្រមទាំងមានកិច្ចសហការល្អជាមួយអង្គការដៃគូ ដែលមានជំនាញបច្ចេកទេស ក្នុងការពង្រឹងសមត្ថភាពមន្ត្រី អនុវត្តច្បាប់ និងអ្នកពាក់ព័ន្ធផងដែរ។
លោកស្រីក៍បានណែនាំដល់មន្ត្រីបង្គោល នៃក្រុមការងារទាំងអស់របស់គណៈកម្មាធិការខេត្តប្រយុទ្ធប្រឆាំងអំពើជួញដូរមនុស្ស និងក្រុមការងារ ប្រយុទ្ធប្រឆាំងអំពើជួញដូរមនុស្សក្រុង-ស្រុក បន្ដពិនិត្យមើលការធ្វើចំណាកស្រុករបស់ប្រជាពលរដ្ឋ និងបន្តពិភាក្សាដើម្បីស្វែងរកធាតុចូលក្នុងផែនការសកម្មភាពបន្ត របស់គណៈកម្មាធិការប្រយទ្ធប្រឆាំងអំពើជួញដូរមនុស្ស សម្រាប់បន្តអនុវត្តឲ្យទទួលបានលទ្ធផលល្អប្រសើរ ត្រូវបន្តតាមដាន និងត្រួតពិនិត្យឃ្លាំមើលជាប្រចាំរាល់បទល្មើសជួញដូរមនុស្ស ការធ្វើអាជីវកម្មផ្លូវភេទ អំពើហិង្សាទាក់ទងនឹងយេនឌ័រ ក្មេងទំនើង អ្នកប្រើប្រាស់គ្រឿងញៀន និងការប្រើប្រាស់ពលកម្មកុមារក្នុងវិស័យសេដ្ឋកិច្ច។
អត្ថបទ និងរូបភាព៖ ឈិត សាវី
កែសម្រួល៖ ហាំ ម៉េងហួត
