នាវេលាម៉ោងប្រហែល១៤:០០នាទីថ្ងៃទី១៤ខែសីហាឆ្នាំ២០១៨ សមត្ថកិច្ចយើងបានទទួលពត៌មានពីបុគ្គលិកសណ្ឋាគារ ហ្គោលដិនបាត់ថឺ ហ្វ្លាយវីឡា (GOLDEN BUTTERFLY VILLA) ថាមានករណីជនបរទេសស្លាប់ភ្លាមៗនោះ កម្លាំងសមត្ថកិច្ចបានចុះទៅដល់កន្លែងកើតហេតុពិនិត្យឃើញថា ជនរងគ្រោះឈ្មោះ ហ្គីលដ្រេត ជូសសេប ដេនញែល (GILDRED JOSEPH DANIEL) ភេទ ប្រុស កើតឆ្នាំ ១៩៧៧ ជនជាតិ អាមេរិកាំង កាន់លិខិតឆ្លងដែនលេខ៤៨៤០៨១៣៨៨ ជាភ្ញៀវទេសចរណ៍។
សមត្ថកិច្ចបានឲ្យដឹងថា៖ ជនរងគ្រោះចូលមកព្រះរាជាណាចក្រកម្ពុជាកាលពីថ្ងៃទី ០១ ខែ សីហា ឆ្នាំ ២០១៨ តាមច្រកព្រលានយន្តហោះអន្តរជាតិសៀមរាប ស្នាក់នៅបន្ទប់លេខ១១០ សណ្ឋាគារ GOLDEN BUTTER FLY VILLA ភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
ផ្អែកតាមការស្រាវជ្រាវរបស់សមត្ថកិច្ចជំនាញនិងលោកវេជ្ជបណ្ឌិត គង់ រិទ្ធី គ្រូពេទ្យនៅមន្ទីរពេទ្យបង្អែកខេត្តសៀមរាបបានសន្និដ្ឋានថា៖ ជនរងគ្រោះបានស្លាប់តាំងពីថ្ងៃទី ១៣ ខែ សីហា ឆ្នាំ ២០១៨ ដោយជម្ងឺស្ទះសរសៃឈាមបេះដូង-ដាច់សរសៃឈាមខួរក្បាល។ សាកសពកំពុងរៀបចំបញ្ជូនទៅតម្កល់ទុកបណ្តោះអាសន្ន នៅមន្ទីរពេទ្យមិត្តភាពខ្មែរសូវៀត(ពេទ្យរុស្ស៊ី) រាជធានីភ្នំពេញ តាមសំណូមពររបស់ក្រុមគ្រួសារ និងតំណាងស្ថានទូត។
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក សេង ផល្លី
