សារមន្ទីរវាយនភណ្ឌប្រពៃណីអាស៊ី បានសហការជាមួយសារមន្ទីរឧក្រិដ្ឋកម្មប្រល័យពូជសាសន៍ទួលស្លែង រៀបចំបើកវគ្គបណ្តុះបណ្តាលស្តីពី «ការអភិរក្សវាយនភណ្ឌ» រយៈពេល១១ថ្ងៃដល់មន្ត្រី-បុគ្គលិកអាជ្ញាធរជាតិអប្សរា ចាប់ពីថ្ងៃទី០៣ ខែមិថុនា ដល់ទី១៣ ខែមិថុនា ឆ្នាំ២០១៩ ដោយផ្តោតសំខាន់លើទ្រឹស្តី និងការអនុវត្តផ្ទាល់ ។ ពិធីបើកវគ្គបណ្តុះបណ្តាលក្រោមអធិបតីភាពឯកឧត្តម យិត ចាន់ដារដ្ឋ អគ្គនាយករង តំណាងដ៏ខ្ពង់ខ្ពស់ឯកឧត្តម ហង់ ពៅ អគ្គនាយកនៃអាជ្ញាធរជាតិអប្សរា។
អ្នកស្រីម៉ូវ ចរិយា នាយិកាស្តីទីនៃសារមន្ទីរវាយនភណ្ឌប្រពៃណីអាស៊ី បានឱ្យដឹងថា ការថែរក្សា និងតាំងបង្ហាញវត្ថុសិល្បៈវាយនភណ្ឌ ជួបប្រទះការលំ បាក ដែលទាមទារអ្នកជំនាញច្បាស់ លាស់ក្នុងការថែរក្សាវត្ថុសិល្បៈទាំងនេះ។ ដូច្នេះហើយការបង្កើតវគ្គសិក្សានេះ មា នគោលបំណងផ្តល់ចំណេះដឹងបន្ថែមដល់មន្ត្រី-បុគ្គលិកបច្ចេកទេស ដើម្បីឲ្យស្វែង យល់កាន់តែស៊ីជម្រៅអំពីរបៀបអភិរក្ស ការគ្រប់គ្រងកម្តៅ ជាពិសេសការពារសត្វល្អិតដែលយាយីដល់សមុច្ច័យ ដែលកំពុងថែរក្សា និងតាំងបង្ហាញ។
អ្នកស្រី ខូ ចិន្តា ប្រធានផ្នែកអភិរក្ស និងជួសជុលវាយនភណ្ឌនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ដែលជាគ្រូបង្គោល នៃវគ្គបណ្តុះបណ្តាលបាន ឱ្យដឹងថា ការអភិរក្សវាយនភណ្ឌមានសារៈសំខាន់ណាស់ ព្រោះវត្ថុទាំងអស់នេះបានផ្តល់នូវព័ត៌មាន និងទិន្នន័យទាក់ ទងនឹងព្រឹត្តិការណ៍ផ្សេងៗក្នុងសង្គម។ អ្នកស្រីបន្ថែមថា ការអភិរក្សវាយនភណ្ឌមានបញ្ហាប្រឈមខ្លះៗដូចជាសំណើម និងសត្វល្អិតជាដើម ហើយបច្ចេកទេសនៃការថែរក្សា គឺអាស្រ័យលើស្ថានភាពវត្ថុ។
សូមបញ្ជាក់ដែរថា សិក្ខាកាមដែលចូលរួមមានចំនួន២១នាក់ មកពីសារមន្ទីរវាយន ភណ្ឌប្រពៃណីអាស៊ី១១នាក់, នាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ៣នាក់ ក្រុមបច្ចេកទេសអុីតាលីយ៉ា៤នាក់ សារមន្ទីរព្រះនរោត្តមសីហ នុ-អង្គរ២នាក់ សារមន្ទីរឡតានី១នាក់។ ដោយសិក្សាចាប់ពីថ្ងៃទី០៣ ដល់ទី០៥ លើទ្រឹស្តី និងអនុវត្ត នៅសារមន្ទីរវាយន ភណ្ឌប្រពៃណីអាស៊ីដោយផ្ទាល់ ហើយថ្ងៃទី០៦ ដល់ទី១៣ សិក្ខាកាមនឹងធ្វើ ទស្សនកិច្ចសិក្សាសារមន្ទីរជាតិទូលស្លែង ហ្វឹកហាត់ការងារ មើលការតាំងពិព័រណ៍សមុច្ច័យ និងរោងជាងនៅសារមន្ទីរជាតិភ្នំពេញ ដើម្បីដកស្រង់បទពិសោធន៍ការងារនៅទីនោះ៕
ព័ត៌មានជាតិ ថ្មីៗ
អត្ថបទ និងរូបភាពលោកអ៊ិន សីហរិទ្ធ កែសម្រួលដោយលីវ សុខុន
