នៅវេលាម៉ោងប្រហែល ០៩ នឹង៤៥នាទី ព្រឹកថ្ងៃទី ០៦ ខែ មិថុនា ឆ្នាំ ២០១៩ មានជនបរទេសម្នាក់ជាជនជាតិជប៉ុនបានស្លាប់ នៅចំនុចបន្ទប់លេខ ០៩ ផ្ទះជួល ស្ថិតនៅភូមិ ចុងកៅស៊ូ សង្កាត់ ស្លក្រាម ក្រុង/ខេត្តសៀមរាប ។
ជនរងគ្រោះឈ្មោះ IMAI HIROSHI ភេទ ប្រុស កើតថ្ងៃទី ១១ មករា ១៩៤៤ ជនជាតិ ជប៉ុន កាន់លិខិតឆ្លងដែនលេខ TK៥៣៤៣០៦០ មុខរបរ ចូលនិវត្តន៍ ស្នាក់នៅបន្ទប់ជួលកើតហេតុខាងលើ។
ផ្អែកតាមការស្រាវជ្រាវ និងពិនិត្យទៅលើសពជនរងគ្រោះ សមត្ថកិច្ចជំនាញ និងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការបានសន្និដ្ឋានថា៖ ជនរងគ្រោះពិតជាស្លាប់ដោយសារ គាំងបេះដូង ហើយបច្ចុប្បន្នសាកសពជនរងគ្រោះ ត្រូវបានបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ដើម្បីរង់ចាំការសម្រេចរបស់ក្រុមគ្រួសារ និងស្ថានទូត។
ព័ត៌មានជាតិ ថ្មីៗ
អត្ថបទ និង រូបភាព ៖ថាច់ ពិសុទ្ធ
