នៅព្រឹកថ្ងៃទី០៦ ខែ មិថុនា ឆ្នាំ២០១៩នេះ ឯកឧត្តម អ៊ឹង ហឿន ប្រធានក្រុប្រឹក្សាខេត្ត និង លោកជំទាវ យូ សុភា អភិបាលរងនៃគណៈអភិបាលខេត្ត រួមទាំង នាយករដ្ឋបាលសាលាខេត្ត គ្រប់ទីចាត់ការនៃសាលាខេត្ត និង ស្នងការនគរបាលខេត្ត បានជួបធ្វើកិច្ចពិភាក្សាការងារជា មួយគណៈប្រតិភូសមាជិកព្រឹទ្ធសភា ប្រចាំភូមិភាគទី៤ ដឹកនាំដោយឯកឧត្តម ប៉ុល លឹម ប្រធានក្រុមសមាជិកព្រឹទ្ធ សភា ប្រចាំភូមិភាគទី៤ នៅសាលាខេត្តសៀមរាប ក្នុងគោលបំណងជួយ ជម្រុញ និង ការផ្តល់សេវារដ្ឋបាល ។
ក្នុងដំណើរបំពេញបេសកម្មរបស់ប្រតិភូសមាជិកព្រឹទ្ធសភា ប្រចាំភូមិភាគទី៤នាពេលនេះ គឺក្នុងន័យដើម្បីធ្វើការស្វែងយល់ អំពីស្ថានភាពទូទៅ និង ការរស់នៅរបស់ប្រជាពលរដ្ឋ ព្រមទាំងការផ្តល់សេវារដ្ឋបាលជូនដល់បងប្អូនប្រជាពល រដ្ឋ ប្រកបដោយតម្លាភាព ប្រសិទ្ធភាព និង ធ្វើការផ្លាស់ប្តូរបទពិសោធន៍លើការងារទាំងនោះផងដែរ ។
មានមតិស្វាគមន៍ក្នុងឱកាសនេះ លោកជំទាវ យូ សុភា ក៏បានលើកផងដែរ អំពីស្ថានភាពទូទៅរបស់ខេត្ត ការងារសន្តិសុខ និង សណ្តាប់ធ្នាប់ ទេសចរណ៍ កសិកម្ម និង ការងារអត្រានុកូលដ្ឋាន ព្រមទាំងការផ្តល់សេវារដ្ឋបាល តាមអង្គភាពច្រកចេញ ចូលតែមួយរបស់រដ្ឋបាលខេត្ត និង ការអនុវត្តគម្រោងមូលនិធិឃុំ សង្កាត់ និង បញ្ហាប្រឈមមួយចំនួនផងដែរ ។
ឯកឧត្តម ប៉ុល លឹម ប្រធានក្រុមសមាជិកព្រឹទ្ធ សភា ប្រចាំភូមិភាគទី៤ បានមានប្រសាស៍ថា គោលបំណង នៃដំណើរបំពេញបេសកកម្មនៅ ខេត្តសៀមរាបនាពេលនេះរបស់ប្រតិភូ គឺដើម្បីជួយដល់រដ្ឋបាលខេត្តសៀមរាប ក្នុងការពង្រឹងយន្តការដល់អង្គភាព មន្ទីរពាក់ ព័ន្ធទាំងអស់ ដែលមានសមត្ថកិច្ចធ្វើការងារ និង ជួយជម្រុញ តាមដាន ត្រួតពិនិត្យ ណែនាំទៅតាមក្រុមប្រឹក្សាក្រុង ស្រុក ឃុំសង្កាត់ សំខាន់ចំពោះលោកមេឃុំ ចៅសង្កាត់ ស្មៀនឃុំ សង្កាត់ រួមទាំងប៉ុស្តិ៍នគរបាលរដ្ឋបាលឃុំ សង្កាត់ អធិការនគរ បាលក្រុង ស្រុក និង ស្នងការនគរបាលខេត្ត អង្គភាពពាក់ព័ន្ធទាំងអស់ក្នុងខេត្តសៀមរាប ។
ឯកឧត្តមបន្តថា ដំណើរបំពេញបេសកកម្មនេះ គឺដើម្បីរួមគ្នានៅក្នុងភូមិភាគទី៤ ដែលមានខេត្តសៀមរាប ,បន្ទាយមានជ័យ ,បាត់ដំបង , ប៉ៃលិន និងខេត្តឧត្តរមានជ័យ ក្នុងគោលដៅធ្វើឲ្យខេត្តទាំងប្រាំ ឲ្យកាន់ តែមានសន្ទុះក្នុងកិច្ចអភិវឌ្ឍន៍ខេត្តរបស់ខ្លួន និងដើម្បីធ្វើការស្វែងយល់អំពីទុក្ខកង្វល់របស់ប្រជានុរាស្ត្រ ដែលមានទុក្ខកង្វល់របស់លោកមេឃុំ ចៅសង្កាត់ ក៏ដូចជាទុក្ខកង្វល់របស់ក្រុមប្រឹក្សា និង គណៈអភិបាលខេត្តផងដែរ ។
ឯកឧត្តម ប៉ុល លឹម ក៏បានបញ្ជាក់ថា ដោយបញ្ហាទាំងនេះហើយ ដែលយើងត្រូវរួមគ្នាក្នុងការអនុវត្តឲ្យខាងតែបាន ក្នុងការ បម្រើសេវាសាធារណៈជូនប្រជាពលរដ្ឋ នៅតាមមូលដ្ឋាន ហើយក្នុងនោះឯកឧត្តមប្រធាន ក៏បានលើកនូវចំណុចសំខាន់ៗ ដើម្បីជូនដល់ក្រុមប្រឹក្សាខេត្ត រដ្ឋបាលខេត្ត ធ្វើការបកស្រាយបំភ្លឺ ដោយបានផ្តោតទៅលើ ការងារអត្រានុកូលដ្ឋាន ការផ្តល់ សៀវភៅគ្រួសារ និង ស្នាក់នៅ , ការធ្វើចរាចរលិខិត ឯកសារ , ការងារច្រកចេញចូលតែមួយ , បញ្ហាដីធ្លីដែលមានការពាក់ ព័ន្ធទៅ (ស.ជ.ណ លេខ ៥១ , ៥២ និង លេខ១៥៨ ) បញ្ហាការបង់ពន្ធប្រថាប់ត្រាលើដីធ្លី មានការយឺតយ៉ាវ ព្រមទាំងភាពយឺតយ៉ាវរបស់ ការិយាល័យភូមិបាលក្រុងស្រុក ដែលធ្វើឲ្យប្រជាពលរដ្ឋមានទុក្ខកង្វល់នាពេលបច្ចុប្បន្ននេះ ។
ក្នុងឱកាសនេះដែរ ឯកឧត្តមក៏បានសុំ ឲ្យអាជ្ញាធរខេត្ត ត្រូវធ្វើការពិនិត្យឡើងវិញ នូវបញ្ហាទាំងនេះ ព្រមទាំងស្រាវជ្រាវពីការយឺតយ៉ាវទាំងនេះ ក្នុងគោលបំណង អ្វីខ្លះចំពោះប្រជាពលរដ្ឋ ដែលពួកគាត់មានតម្រូវការចាំបាច់ក្នុងក្រុមគ្រួសារ ។
ឯកឧត្តម ប៉ុល លឹម ក៏បានធ្វើការកោតសរសើរ ពីការខិតខំរបស់រដ្ឋបាលខេត្តសៀមរាប លើកអភិវឌ្ឍន៍ខេត្ត ឲ្យកាន់តែមានសោភណ្ឌភាព ដើម្បីទទួលស្វាគមន៍ដល់ភ្ញៀវទេសចរណ៍ជាតិ អន្តរជាតិចូលមកទស្សនាកម្សាន្ត ដែលជាខេត្តគោលដៅរបស់ភ្ញៀវទេសចរណ៍លើកពិភពលោកទៀតផង ។ ក្នុងនោះដែរឯកឧត្តមក៏បានលើកនូវបទ ពិសោធន៍ និង អនុសាសន៍ល្អៗមួយចំនួន ដើម្បីជាមូលដ្ឋានគ្រឹះ សម្រាប់ថ្នាក់ក្រោមជាតិយកទៅអនុវត្ត ឲ្យកាន់តែមាន ប្រសិទ្ធភាពខ្ពស់ ព្រមទាំងបានធ្វើការណែនាំមួយចំនួន ដល់ក្រុមប្រឹក្សាខេត្ត គណៈអភិបាលខេត្ត មន្ទីរ អង្គភាព គឺត្រូវធ្វើ ការពិនិត្យឡើងវិញ នូវរាល់បញ្ហាទាំងឡាយដែលមានកន្លងមក ដើម្បីធ្វើការកែប្រែ ឲ្យប្រកបទៅដោយសន្តិវិធី ក្នុងការបម្រើ ដល់ប្រជាពលរដ្ឋ ដើម្បីជាទីទំនុកចិត្តរបស់ប្រជាពលរដ្ឋ ។ ចំពោះបញ្ហាដែលចាំបាច់ ក្នុងការពិនិត្យឡើងវិញនោះ លើការងារ រៀបចំដីធ្លីនគរូបនីយកម្ម សំណង់ និង សុរិយោដី ក៏ដូចបណ្តាការិយាល័យភូមិបាលក្រុង ស្រុក ដែលជាចំណោទ បញ្ហាយ៉ាងខ្លាំង ដែលធ្វើឲ្យប្រជាពលរដ្ឋ បាត់បង់ទំនុកចិត្តគាំទ្រ ក្នុងការដឹកនាំរបស់រាជរដ្ឋាភិបាល ក៏ដូចជារដ្ឋអំណាចគ្រប់ លំដាប់ថ្នាក់ទៀតផង ៕
អត្ថបទ និង រូបភាព៖ម៉ី សុខារិទ្ធ
កែសម្រួល៖ អ៊ុន ណារាជ្យ
