នៅថ្ងៃទី០៦ ខែមិថុនា ឆ្មាំ២០១៩ យុវជនចំនួន០៤នាក់ ដែលជាប់ពាក់ព័ន្ធនឹងករណី ប្រើប្រាស់ ចាត់ចែក និងរក្សាទុកគ្រឿងញៀន ត្រូវបាននគរបាលខេត្តបញ្ជូនជូនខ្លួនទៅកាន់មណ្ឌលកែប្រែហើយ។
យុវជនទាំង០៤នាក់ រួមមាន៖ ទី១.ឈ្មោះ ឈៀន ឈុនលាង ភេទប្រុស ឆ្នាំកំណើត ១៩៩៩ មុខរបរគ្មាន មានទីលំនៅ ភូមិ កំភេម ឃុំកែវពណ៌ ស្រុក ពួក ខេត្តសៀមរាប ជាប់ពាក់ព័ន្ធករណី ប្រើប្រាស់ និងមានសារធាតុញៀនក្នុងខ្លួន , ទី២.ឈ្មោះ ឃុយ ស្តើង ភេទប្រុស ឆ្នាំកំណើត១៩៩៧ មុខរបរគ្មាន មានទីលំនៅភូមិកំភេម ឃុំកែវពណ៌ ស្រុកពួក ខេត្តសៀមរាប ជាប់ពាក់ព័ន្ធករណី ប្រើប្រាស់ និងមានសារធាតុញៀនក្នុងខ្លួន, ទី៣.ឈ្មោះ ឡូន ឡោះ ភេទ ប្រុស ឆ្នាំកំណើត១៩៩៩ មុខរបរគ្មាន មានទីលំនៅភូមិកំភេម ឃុំកែវពណ៌ ស្រុកពួកខេត្តសៀមរាបក្រុងខេត្តសៀមរាប ជាប់ពាក់ព័ន្ធករណី ប្រើប្រាស់ និងមានសារធាតុញៀនក្នុងខ្លួន និងទី៤.ឈ្មោះ សោម សាន់ ភេទប្រុស ឆ្នាំកំណើត២០០១ មុខរបរគ្មាន មានទីលំនៅភូមិតាត្រាវ ឃុំស្វាយចេក ស្រុកអង្គរធំខេត្តសៀរាប ជាប់ពាក់ព័ន្ធករណី ប្រើប្រាស់ និងមានសារធាតុញៀនក្នុងខ្លួន។
សូមបញ្ជាក់ថា យុវជនទាំង០៤នាក់នេះ ត្រូវបានឃាត់ខ្លួនបាន កាលពីវេលាម៉ោង១៩ និង៣០ នាទី ថ្ងៃទី០៤ ខែ មិថុនា ឆ្នាំ ២០១៩ ដោយកំលាំងការិយាល័យប្រឆាំង គ្រឿងញៀនបានចូលរួមសហការ ជាមួយកំលាំងអធិការស្រុកពួក បានចុះបង្ក្រាបពីបទប្រើប្រាស់ដោយខុសច្បាប់នូវសារធាតុញៀន នៅចំនុចក្នុងវត្តគោកខ្ពស់ ស្ថិតនៅភូមិកំភេម ឃុំកែវពណ៌ ស្រុកពួក ខេត្តសៀមរាប និងបានបញ្ជូនខ្លួនទៅកាន់មណ្ឌល់កែប្រែគ្រឿងញៀនខេត្ត នៅថ្ងៃទី០៦ ខែមិថុនា ឆ្មាំ២០១៩។
អត្ថបទ និង រូបភាព៖ថាច់ ពិសុទ្ធ
កែសម្រួល ៖ អ៊ុន ណារាជ្យ
