លោកវរៈសេនីយ៏ឯក មិន ចន្ថា អធិការនគរបាលស្រុកប្រាសាទបាគងបានឲ្យដឹងថា កាលពីវេលាម៉ោង១៩និង១០នាទី ថ្ងៃទី០៥ ខែមិថុនា ឆ្នាំ២០១៩ម្សិលមិញ មានបុរសម្នាក់បានស្លាប់ដោយសារករណីឆក់ខ្សែរភ្លើង ហើយជនរងគ្រោះមានឈ្មោះ រៀន រ៉ូន ភេទប្រុស អាយុ៣២ឆ្នាំ រស់នៅក្នុងភូមិចំបក់ ឃុំរលួស ស្រុកប្រាសាទបាគង ខេត្តសៀមរាប។
លោកវរៈសេនីយ៏ឯក មិន ចន្ថា បានបន្តថា មុនពេលកើតហេតុគេឃើញជនរងគ្រោះ បានតភ្លើងដាក់យកសត្វល្អិតមកអោយកូនទាស៊ី តែដោយសារជនរងគ្រោះមិនបានប្រុងប្រយ័ត្ន ក៏បានឆក់ខ្សែភ្លើងដែលកំពុងតនោះ។
ភ្លាមៗបងប្អូនជនរងគ្រោះក៏បានបញ្ជូនជនរងគ្រោះទៅមន្ទីពេទ្យ តែទៅដល់មន្ទីពេទ្យគ្រូពេទ្យបានបញ្ញាក់ថា ជនរងគ្រោះបានស្លាប់បាត់បង់ជីវិតបាត់ទៅហើយ។
លោកវរៈសេនីយ៏ឯក មិន ចន្ថា ក្រោយពេលកើតហេតុ កម្លាំងនគរបាលស្រុកបានចុះទៅពិនិត្យដល់កន្លែងកើតហេតុ ហើយពិនិត្យឃើញថាជនរងគ្រោះពិតជាស្លាប់ដោយសារឆក់ខ្សែភ្លើងពិតប្រាកដមែន ហើយក៏បានប្រគល់សពជនរងគ្រោះជូនក្រុមគ្រួសារយកទៅធ្វើបុណ្យតាមប្រពៃណី។
អត្ថបទ និង រូបភាព ៖ថាច់ ពិសុទ្ធ
