នៅថ្ងៃទី២៧ ខែមីនា ឆ្នាំ២០២៥ គណៈកម្មការលទ្ធកម្មឃុំត្រាំសសរ នៃស្រុកស្រីស្នំ ខេត្តសៀមរាប បានសម្រេចការដេញថ្លៃជាស្ថាពរ នូវគម្រោងជុលផ្លូវដីសក្រាលគ្រួសក្រហមប្រវែង ៣ ៥៩៥ម៉ែត្រ ដោយការដេញថ្លៃនេះមានការចូលរួមពីមន្ត្រីបច្ចេកទេសសាលាខេត្ត អាជ្ញាធរស្រុក មន្ត្រីបច្ចេកទេសស្រុក គណៈកម្មការលទ្ធកម្មឃុំ រួមនឹងតំណាងក្រុមហ៊ុនដេញថ្លៃ។
លោក ឡាត សើុប ប្រធានគណៈកម្មការលទ្ធកម្មឃុំត្រាំសសរ នៃស្រុកស្រីស្នំ បានឱ្យដឹងថា ចំពោះគម្រោងមូលនិធិឃុំឆ្នាំ ២០២៥នេះ ឃុំត្រាំសសរ បានដាក់ដេញថ្លៃគម្រោង ជួសជុលផ្លូវដីសក្រាលគ្រួសក្រហមចំនួន ៣ខ្សែ ប្រវែង៣ ៥៩៥ម៉ែត្រ ទទឹង៤ម៉ែត្រ កម្រាស់គ្រួស០.១៥ម៉ែត្រ និងស្លាកសញ្ញាគម្រោងចំនួន៣ ស្ថិតក្នុងភូមិបេង និងភូមិពង្រ ក្នុងតម្លៃប៉ានស្មាន ៣០១ ៩១៤ ៤១៣រៀល ដោយមានក្រុមហ៊ុនចំនួន៣ បានដាក់សំណើ។ ជាលទ្ធផលបានទៅលើកក្រុមហ៊ុន វីអេស ប៊ីអិមសុី ក្នុងតម្លៃ ២៩៤ ៧៩០ ០០០រៀល។
ជាមួយនឹងការទទួលបានគម្រោងសាងសង់ផ្លូវខាងលើ តំណាងក្រុមហ៊ុនដែលទទួលបានការម៉ៅការ បានធ្វើការប្ដេជ្ញាចិត្តដោយសន្យាថា នឹងធ្វើឱ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស និងតាមលក្ខខណ្ឌដូចមានចែងនៅក្នុងកិច្ចសន្យា៕
ព័ត៌មានជាតិ ថ្មីៗ
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
