គម្រោងសាងសង់ផ្លូវបេតុងអាមេមួយខ្សែ ប្រវែង ៨៨២ម៉ែត្រ ស្ថិតក្នុងឃុំកណ្ដែក ស្រុកប្រាសាទបាគង ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី០១ ខែមេសា ឆ្នាំ២០២៥នេះ ដោយមានការចូលរួមពីមន្ត្រីបច្ចេកទេសសាលាខេត្ត គណៈកម្មការលទ្ធកម្មឃុំ និងតំណាងក្រុមហ៊ុនដេញថ្លៃ។
បើតាមគណៈកម្មការលទ្ធកម្មឃុំកណ្ដែក បានឱ្យដឹងថា ចំពោះគម្រោងមូលនិធិឃុំ ឆ្នាំ២០២៥នេះ ឃុំកណ្ដែក បានដាក់ដេញថ្លៃគម្រោងសាងសង់ផ្លូវបេតុងអាមេមួយខ្សែ ស្ថិតក្នុងភូមិឃុនមោឃ ប្រវែង៨៨២ម៉ែត្រ ទទឹង៥ម៉ែត្រ កម្រាស់០,១៥ម៉ែត្រ ស្លាកសញ្ញាគម្រោង១ និងលូការពារផ្លូវ១កំប្លេ ក្នុងតម្លៃប៉ាន់ស្មាន
៥២៦ ៤៨៣ ០០០រៀល ដោយមានក្រុមហ៊ុនចំនួន៤ បានដាក់សំណើ។ ជាលទ្ធផលបានទៅលើកក្រុមហ៊ុន សុខ មករា ក្នុងតម្លៃ ៥២៣ ៩០៨ ០០០រៀល។
ជាមួយនឹងការទទួលបានគម្រោងសាងសង់ផ្លូវខាងលើ តំណាងក្រុមហ៊ុនដែលទទួលបានការម៉ៅការ បានធ្វើការប្ដេជ្ញាចិត្តដោយសន្យាថានឹងធ្វើឱ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស និងតាមលក្ខខណ្ឌដូចមានចែងនៅក្នុងកិច្ចសន្យា៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
