នៅថ្ងៃទី១៣ ខែឧសភា ឆ្នាំ២០២៥នេះ គណៈកម្មការលទ្ធកម្មឃុំព្រះដាក់ ស្រុកបន្ទាយស្រី ខេត្តសៀមរាប បានប្រកាសពីការបញ្ចប់ការដេញថ្លៃជាស្ថាពរនូវគម្រោងសាងសង់ផ្លូវបេតុងមួយខ្សែ ដោយមានការចូលរួមពីមន្ត្រីបច្ចេកទេសសាលាខេត្ត អាជ្ញាធរស្រុក មន្ត្រីបច្ចេកទេសស្រុក គណៈកម្មការលទ្ធកម្មឃុំ អ្នកសារព័ត៌មាន និងតំណាងក្រុមហ៊ុនដេញថ្លៃ។
លោក ភិន ថោង ប្រធានគណៈកម្មការលទ្ធកម្មឃុំ បានឱ្យដឹងថា ឆ្នាំ២០២៥នេះ ឃុំបានដាក់ដេញថ្លៃគម្រោងសាងសង់ផ្លូវបេតុងមួយខ្សែ ស្ថិតក្នុងភូមិអូរទទឹង មានប្រវែង០.៧គីឡូម៉ែត្រ, ទទឹង៤.៥ម៉ែត្រ, កម្រាស់ក្រួសក្រហម0.១៥ម៉ែត្រ, ស្លាកសញ្ញាចរាចរចំនួន១, បង្គោលការពារផ្លូវចំនួន២ និងស្លាកសញ្ញាគម្រោងចំនួន១ ក្នុងតម្លៃប៉ាន់ស្មាន ៣៨៧ ០៦១ ៣០២រៀល ដោយមានក្រុមហ៊ុនចំនួន៣ បានដាក់សំណើ។ ជាលទ្ធផលបានទៅលើកក្រុមហ៊ុន ធីធី អេសបៀល ក្នុងតម្លៃ ៣៨៦ ០០០ ០០០។
ក្រោយការដេញថ្លៃ ក្រុមហ៊ុនដែលទទួលបានការម៉ៅការចំពោះគម្រោងសាងសង់ផ្លូវខាងលើ បានធ្វើការប្ដេជ្ញាចិត្តដោយសន្យាថា នឹងធ្វើឱ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស តាមលក្ខខណ្ឌដូចមានចែងនៅក្នុងកិច្ចសន្យា៕
ព័ត៌មានជាតិ ថ្មីៗ
អត្ថបទ និងរូបភាព៖ លោក ទេស ចន្ទវិបុល
កែសម្រួល៖ លោក អ៊ុន ណារាជ្យ
