នាព្រឹកថ្ងៃទី១០ ខែមិថុនា ឆ្នាំ២០២៥ នៅសាលប្រជុំសាលាខេត្តសៀមរាប លោកស្រី ម៉ននី រង្សី អភិបាលរងខេត្តសៀមរាប នឹងជាប្រធានក្រុមការងារឆ្លើយតបជាពហុវិស័យចំពោះអំពើហិង្សាទាក់ទងនឹងយេនឌ័រខេត្តបានមានប្រសាសន៍ ក្នុងកិច្ចប្រជុំប្រចាំត្រីមាសទី២ របស់ក្រុមការងារឆ្លើយតបជាពហុវិស័យចំពោះអំពើហិង្សាទាក់ទង នឹងយេនឌ័រ ជំរុញឲ្យគ្រប់ភាគីពាក់ព័ន្ធទាំងអស់ ត្រូវរួមគ្នាទប់ស្កាត់អំពើហិង្សា ដែលពាក់ព័ន្ធនឹងយេនឌ័រគ្រប់ទម្រង់ដូចជា អំពើហិង្សាក្នុងគ្រួសារ ការរំលោភផ្លូវភេទ ការជួញដូរស្រ្តី និងកុមារជាដើម ជាពិសេសនៅតាមបណ្តាក្រុងស្រុកទាំង១៣របស់ខេត្ត ត្រូវរួមគ្នាបង្កើនប្រសិទ្ធភាពការងារ និងទាន់ពេលវេលា។
លោកស្រីអភិបាលរងខេត្ត បានបន្តថាការបើកកិច្ចប្រជុំនាពេលនេះ ក្នុងគោលបំណងចែករំលែកអំពីសមិទ្ធផល បញ្ហាប្រឈម និងដំណោះស្រាយ ក្នុងដំណើរឆ្លើយតបជាពហុវិស័យ ចំពោះអំពើរហឹង្សាប្រចាំត្រីមាស និងធ្វើការពិនិត្យ ប្រៀបធៀបថាទៅលើរបាយការណ៍លើកិច្ចការពាក់ព័ន្ធ និងអំពើរហិង្សាលើស្ត្រីនិងកុមារផងដែរ។
ព័ត៌មានជាតិ ថ្មីៗ
លោកស្រី ម៉ននី រងី្ស ក៍បានធ្វើការណែនាំ ដល់ក្រុមការងារថ្នាក់ខេត្ត ក្រុង ស្រុក ឱ្យបន្តរៀបចំផែនការសកម្មភាពដាក់បញ្ចូលទៅក្នុងផែនការខេត្ត ក្រុង ស្រុក និងលើកគម្រោងផែនការ ដើម្បីស្នើសុំកញ្ចប់ថវិកាសម្រាប់អនុវត្តផែនការនោះឱ្យមានប្រសិទ្ធភាព។ បន្តស្វែងរកការគាំទ្រពីអ្នកពាក់ព័ន្ធ និងអង្គការដៃគូ ដើម្បីពង្រឹងសមត្ថភាពតាមរយ:វគ្គបណ្តុះបណ្តាល និងបន្តពង្រឹងកិច្ចសហការក្នុងការផ្តល់សេវាដល់ស្ត្រី និងក្មេងស្រីរងគ្រោះដោយអំពើហិង្សាទាក់ទងនឹងយេនឌ័រ។
ក្នុងនោះដែរលោកស្រីអភិបាលរងខេត្តក៍បានមានប្រសាសន៍វាយតម្លៃ និងកោតសរសើរចំពោះដំណើរនៃការអនុវត្តការងាររបស់ក្រុមការងារឆ្លើយតបជាពហុវិស័យចំពោះអំពើរហឹង្សាទាក់ទងនិងយេនឌ័រ ដែលបានខិតខំអនុវត្តការងារ ផ្តល់សេវា និងស្វែងរកដំណោះស្រាយជូនស្រ្តីដែលបានរងគ្រោះដោយអំពើរហឹង្សាកន្លងមក។
អត្ថបទ និងរូបភាព៖ លោក ទ្រា ពន្លឺ
កែសម្រួល៖ លោក ហាំ ម៉េងហួត
