ការដេញថ្លៃគម្រោងសាងសង់ផ្លូវបេតុង ២ខ្សែ ប្រវែងជាង១គីឡូម៉ែត ស្ថិតក្នុងសង្កាត់ស្វាយដង្គំ ក្រុងសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី០៧ ខែកក្កដា ឆ្នាំ២០២៥នេះ ដោយមានការចូលរួមពីមន្ត្រីបច្ចេកទេសសាលាខេត្ត គណៈកម្មការលទ្ធកម្មសង្កាត់ ក្រុមហ៊ុនម៉ៅការ និងអ្នកពាក់ព័ន្ធជាច្រើនរូប។
លោក ហ៊ា ហាវ ប្រធានគណៈកម្មការលទ្ធសង្កាត់ស្វាយដង្គំ បានឱ្យដឹងថា សម្រាប់ឆ្នាំ២០២៥នេះ សង្កាត់បានដាក់ដេញថ្លៃគម្រោងសាងសង់ផ្លូវបេតុង២ខ្សែ ប្រវែង១.១០គីឡូម៉ែត្រ និងទទឹង៦ម៉ែត្រ ក្នុងតម្លៃប៉ាន់ស្មាន ៧៨៥ ៤៤៣ ២៣០រៀល ដោយមានក្រុមហ៊ុនចំនួន៦ បានដាក់សំណើ។ ជាលទ្ធផលបានទៅលើក្រុមហ៊ុន សករាជ ក្នុងតម្លៃ ៥៦០ ០០០ ០០០រៀល។
ជាមួយនឹងការទទួលបានសិទ្ធនៃការសាងសង់នេះ តំណាងក្រុមហ៊ុនម៉ៅការ បានធ្វើការប្ដេជ្ញាចិត្ត ដោយសន្យាសាងសង់ឱ្យត្រឹមត្រូវ ទាន់ពេលវេលា ស្របទៅតាមគំនូរប្លង់បច្ចេកទេស បទដ្ឋានគតិយុត្តនៃការសាងសង់ និងគោរពទៅតាមលក្ខខណ្ឌដែលចែងនៅក្នុងកិច្ចសន្យា៕
ព័ត៌មានជាតិ ថ្មីៗ
អត្ថបទ និងរូបភាព៖ លោក អោត រត់
កែសម្រួល៖ លោក អ៊ុន ណារាជ្យ
