នៅថ្ងៃទី០៥ ខែសីហា ឆ្នាំ២០២៥ ឯកឧត្តម ប្រាក់ សោភ័ណ អភិបាលខេត្តសៀមរាប បានទទួលអំណោយជាគ្រឿងឧបភោគបរិភោគ និងថវិកាពីឯកឧត្តម បណ្ឌិត ម៉ុង ឬទ្ធី និងលោកជំទាវ ព្រមទាំងក្រុមគ្រួសារ និងបុគ្គលិកក្រុមហ៊ុន ម៉ុង ឬទ្ធី គ្រុប សម្រាប់ចែកជូនដល់សមរភូមិមុខ គ្រួសារទ័ព និងពលរដ្ឋជាជនភៀសសឹកដែលកំពុងស្នាក់នៅ ក្នុងភូមិសាស្ត្រខេត្តសៀមរាប។
ឯកឧត្តម ប្រាក់ សោភ័ណ ក្នុងនាមរដ្ឋបាលខេត្តសៀមរាប បានថ្លែងអំណរគុណយ៉ាងជ្រាលជ្រៅបំផុត ចំពោះទឹកចិត្តដ៏ថ្លៃថ្លា របស់ ឯកឧត្តម បណ្ឌិត ម៉ុង ឬទ្ធី និងលោកជំទាវ ព្រមទាំងក្រុមគ្រួសារ និងបុគ្គលិកក្រុមហ៊ុន ម៉ុង ឬទ្ធី គ្រុប បងប្អូនប្រជាពលរដ្ឋ ដែលជាសប្បុរសជនក្នុងខេត្ត និងក្រៅខេត្ត ដែលបានចូលរួមឧបត្ថម្ភគាំទ្រដល់សមរភូមិជួរមុខ គ្រួសារទ័ព និងប្រជាជនដែលបានជម្លៀសពីតំបន់សមរភូមិ ចូលមកភូមិសាស្ត្រខេត្តសៀមរាប ដោយទឹកចិត្តស្មោះសរ ក្នុងការរួបរួមជាតិខ្មែរជាធ្លុងមួយដោយស្មារតីខ្មែរជួយខ្មែរ។
ឯកឧត្តមអភិបាលខេត្ត ក៏បានអំពាវនាវដល់ ឯកឧត្តម លោកជំទាវ អ្នកឧកញ៉ា លោកលោកស្រី ម្ចាស់ក្រុមហ៊ុន សហគ្រាស ពាណិជ្ជករ អាជីវករ និងបងប្អូនប្រជាពលរដ្ឋ ដែលនៅតាមបណ្តាក្រុងស្រុក សូមបន្តចូលរួមបន្តឧបត្ថម្ភគាំទ្រនូវគ្រឿងឧបភោគបរិភោគ និងសម្ភារប្រើប្រាស់បន្ថែមទៀត នៅតាមបណ្ដាក្រុងស្រុកបងប្អូនផ្ទាល់ ឬតាមរយៈរដ្ឋបាលខេត្តសៀមរាប ក្នុងន័យរួមតែមួយ គឺខ្មែរជួយខ្មែរក្នុងគ្រាលំបាក។
ព័ត៌មានជាតិ ថ្មីៗ
សូមជម្រាបថា អំណោយដែលបានប្រគល់ជូននាពេលនេះដែរ រួមមាន៖ អង្ករ ៥តោន,មី ២០០កេស, ត្រីខ ២០០យួរ, សាច់ក្រក ២០០គីឡូ, ប្រហុកលីង ២០០កែវ, ផ្អកសាច់ជ្រូក ២០០កែវ, សាច់ជ្រូកប្រឡាក់ ២០០គីឡូក្រាម, កាពិលីង ២០០កែវ, អាវ ២០០ឈុត និងថវិកាចំនួន ៥០លានរៀល៕
អត្ថបទ៖ លោក អ៊ុន ណារាជ្យ
និងរូបភាព៖ ក្រុមការងារ
