កាលពីល្ងាចថ្ងៃទី១៦ ខែមិថុនា ឆ្នាំ២០១៩ម្សិលមិញនេះ ជនសង្ស័យចំនួន ០៣នាក់ ត្រូវបានកំលាំងនគរបាលការិយាល័យប្រឆាំងគ្រឿងញៀន បញ្ចូនខ្លួនទៅសាលាដំបូងខេត្តជាប់ពាក់ព័ន្ធករណីគ្រឿងធាតុញៀន។
ជនសង្ស័យចំនួន ០៣ នាក់ រួមមាន ៖ ទី១-ឈ្មោះ ឆុំ រដ្ឋា ហៅរ័ត្ន ភេទប្រុស ឆ្នាំកំណើត ១៩៩៦ មុខរបរគ្មាន ទីលំនៅ ភូមិ ដកពោធិ៏ សង្កាត់ ស្លក្រាម ក្រុង ខេត្តសៀមរាប ជាប់ពាក់ព័ន្ធករណី ចាត់ចែង និងប្រើប្រាស់ និងមានសារធាតុញៀនក្នុងខ្លួន, ទី២-ឈ្មោះ កៅ នីន ហៅ (ពៅ) ភេទប្រុស ឆ្នាំកំណើត ១៩៩៦ មុខរបរគ្មាន មានទីលំនៅភូមិ ចុងកៅស៊ូ សង្កាត់ ស្លក្រាម ក្រុង ខេត្តសៀមរាប ជាប់ពាក់ព័ន្ធករណី ចាត់ចែង និងប្រើប្រាស់ និងមានសារធាតុញៀនក្នុងខ្លួន ត្រូវបានឃាត់ខ្លួន, និង ទី៣ ឈ្មោះ បាន រដ្ឋា ហៅ ឆក ភេទប្រុស ឆ្នាំកំណើត ១៩៨៣ មុខរបរគ្មាន មានទីលំនៅ ភូមិទ្រាំង សង្កាត់ ស្លក្រាមក្រុងខេត្តសៀមរាប ជាប់ពាក់ព័ន្ធ ករណី រក្សាទុកជួញដូរ និងប្រើប្រាស់ ហើយមានសារធាតុញៀនក្នុងខ្លួន។
សូមបញ្ជាក់ថា ជនសង្ស័យទាំង ០៣នាក់ ត្រូវបានឃាត់ខ្លួនដោយកំលាំងនគរបាលការិយាល័យប្រឆាំងគ្រឿងញៀន បានសហការជាមួយកំលាំងនគរបាលអធិការក្រុងសៀមរាប និងកំលាំងប៉ុស្ត៍នគរបាលរដ្ឋបាលសង្កាត់ស្លរ កាលពីថ្ងៃទី១៥ ខែ មិថុនា ឆ្នាំ២០១៩ នឹងបានបញ្ជូនខ្លួនទោកាន់សាលាដំបូងខេត្តកាលពីថ្ងៃទី១៦ ខែមិថុនា ឆ្នាំ២០១៩ម្សិលមិញនេះ ។
ក្នុងប្រតិបត្តការណ៍នេះដែរ កម្លាំងនគរបាលជំនាញបានដកហូតវត្ថុតាងមានរួមមាន៖ ម្សៅមេតំហ្វេតាមីនប្រភេទទឹកកកចំនួន០២កញ្ចប់ ស្មើនឹងទម្ងន់៤.៩ក្រាមទាំងសំបក, ទូរស័ព្ទដៃចំនួន០៥គ្រឿង, កាំភ្លើងខ្យល់ចំនួន ០១ដើម, លុយចំនួន ១០០០០០រៀល(ដប់ម៉ឺនរៀល),ឧបករណ៍ប្រើប្រាស់និង សំភារៈ វេចខ្ចប់គ្រឿងញៀនមួយចំនួន ៕
អត្ថបទ និងរូបភាព ៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
