ម្ចាស់ធិស័ក្តរីសត ស្ថិតនៅឃុំស្វាយលើ ស្រុកស្វាយលើ បានផ្ដល់ទីតាំងដីចំនួន ៧ ០០០ម៉ែត្រការ៉េ ដោយបានគាំទ្រ និងរៀបចំភ្ជួររាស់ដីរួច និងបានតភ្ជាប់បណ្ដាញទឹកសម្រាប់រៀបចំដាំបន្ថែ ដើម្បីផ្គត់ផ្គង់ដល់បងប្អូនភៀសសឹកដែលមកស្នាក់នៅក្នុងភូមិសាស្ត្រខេត្តសៀមរាប។
ជាមួយនឹងការភ្ជួររាស់រួច ក្រុមការងារកសិកម្មបានចុះចែកសម្ភារ គ្រាប់ពូជតាមក្រុម ហើយបងប្អូនភៀសសឹកចំនួន ១០០នាក់ តំណាង ១០០គ្រួសារ ធ្វើការដាំដុះ និងរៀបចំរោងឱ្យបានល្អ។
រដ្ឋបាលខេត្តសូមថ្លែងអំណរគុណយ៉ាងជ្រាលជ្រៅចំពោះ ម្ចាស់ធិស័ក្តរីសត ស្ថិតនៅឃុំស្វាយលើ ស្រុកស្វាយដែលបានផ្ដល់ទីតាំងដីចំនួន ៧ ០០០ម៉ែត្រការ៉េ ដល់បងប្អូនដែលកំពុងភៀសសឹកសម្រាប់ធ្វើការដាំដុះបន្លែរយៈពេលខ្លី។ សកម្មភាពនេះ គឺអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ព្រមទាំងស្របតាមការផ្ដួចផ្ដើម និងបំផុសចលនាដ៏មានន័យរបស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក្នុងការលើកកម្ពស់ការដាំបន្លែតាមផ្ទះ សាលារៀន វត្តអារាម និងសហគមន៍ ដើម្បីបង្កើនភាពអាចពឹងផ្អែកលើខ្លួនឯង និងធានាសន្តិសុខស្បៀងសម្រាប់ប្រជាពលរដ្ឋ៕
ព័ត៌មានជាតិ ថ្មីៗ
អត្ថបទ៖ លោក អ៊ុន ណារាជ្យ
