នៅថ្ងៃទី៦ ខែមករា ឆ្នាំ២០២៦ ឯកឧត្តម ស៊ិន រុន និង ឯកឧត្តម ម៉ិត សុវណ្ណ សមាជិកក្រុមប្រឹក្សាខេត្ត និងអាជ្ញាធរស្រុក បាននាំយកអំណោយរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ផ្ដល់ជូនក្រុមគ្រួសារកងទ័ពចំនួន ៣១៤គ្រួសារ ដែលបានជម្លៀសពីតំបន់សមរភូមិមុខមកទីតាំងសុវត្ថិភាពក្នុងស្រុកស្រីស្នំ ខេត្តសៀមរាប។ ដែលអំណោយក្នុងមួយគ្រួសារទួលបាន អង្ករ ២៥គីឡូ មី ១កេស ត្រីខ ១យួរ ទឹកត្រី ១យួរ ទឹកស៊ីអ៊ីវ ១យួរ អំបិល ១គីឡូ ទឹកសុទ្ធ ១កេស កន្ទេល១ មុង១ និងភួយ១។
មានប្រសាសន៍ក្នុងឱកាសនោះ ឯកឧត្តម ស៊ិន រុន បាននាំយកនូវការផ្ដាំផ្ញើសួរសុខទុក្ខពីសំណាក់ សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត និង សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត រួមនឹងថ្នាក់ដឹកនាំកម្ពុជាជាច្រើនរូបទៀត ដែលលោកតែងតែគិតគូរយកចិត្តទុកដាក់ពីសុខទុក្ខ និងជីវភាពរស់នៅរបស់បងប្អូនទាំងអស់ ជាពិសេសក្រុមគ្រួសារកងទ័ព ដែលបានជម្លៀសពីតំបន់សមរភូមិមុខមកទីតាំងសុវត្ថិភាពនានា។
ឯកឧត្តម ស៊ិន រុន មានប្រសាសន៍ថា ការផ្ដល់ជូននូវអំណោយទាំងនេះ បានបង្ហាញពីការយកចិត្តទុកដាក់ បង្ហាញពីស្មារតី “ខ្មែរស្រឡាញ់ខ្មែរក្នុងគ្រាលំបាក” “ខ្មែររួបរួមសាមគ្គីគ្នា” ក្នុងការជួយសម្រួលដល់ការរស់នៅ របស់បងប្អូនប្រជាពលរដ្ឋភៀសសឹក និងបងប្អូនកងទ័ពនាពេលនេះ។ ឯកឧត្តមក៏បានថ្លែងអំណរគុណដល់បងប្អូនប្រជាពលរដ្ឋ ដែលជាសប្បុរសជនក្នុងខេត្ត និងក្រៅខេត្ត ដែលបានចូលរួមឧបត្ថម្ភគាំទ្រដល់ប្រជាជន ដែលបានជម្លៀសពីតំបន់សមរភូមិចូលមកភូមិសាស្ត្រខេត្តសៀមរាប ដោយទឹកចិត្តស្មោះសរ ក្នុងការរួបរួមជាតិខ្មែរជាធ្លុងមួយដោយស្មារតីខ្មែរជួយខ្មែរក្នុងគ្រាលំបាក។
ក្នុងនាមរដ្ឋបាលខេត្ត ឯកឧត្តមក៏បានថ្លែងអំណរគុណដល់បងប្អូនប្រជាពលរដ្ឋ ដែលជាសប្បុរសជនក្នុងខេត្ត និងក្រៅខេត្ត ដែលបានចូលរួមឧបត្ថម្ភគាំទ្រដល់ប្រជាជន ដែលបានជម្លៀសពីតំបន់សមរភូមិចូលមកភូមិសាស្ត្រខេត្តសៀមរាប ដោយទឹកចិត្តស្មោះសរ ក្នុងការរួបរួមជាតិខ្មែរជាធ្លុងមួយដោយស្មារតីខ្មែរជួយខ្មែរក្នុងគ្រាលំបាក។ ឯកឧត្តមក៏បានអំពាវនាវដល់បងប្អូនប្រជាពលរដ្ឋនៅគ្រប់ទិសទី បន្តសាមគ្គីជាធ្លុងមួយជាមួយរាជរដ្ឋាភិបាល ក្នុងស្មារតីស្នេហាជាតិ និងជួយគ្នាទៅវិញទៅមក ក្នុងគ្រាប្រទេសកំពុងមានការលំបាក រួមគ្នាជាស្មារតីខ្មែរតែមួយ ខ្មែរស្រឡាញ់ខ្មែរ ខ្មែររួមគ្នាទើបខ្មែរខ្លាំង៕
អត្ថបទ និងរូបភាព៖ លោក អ៊ុន ណារាជ្យ
