សមត្ថកិច្ចនគរបាលស្រុកស្វាយលើ បានឲ្យដឹងថា កាលពីថ្ងៃទី១៧ ខែមិថុនា ឆ្នាំ២០១៩ម្សិលមិញនេះ ប្រជាពលរដ្ឋម្នាក់ឈ្មោះ កែន កាយ ភេទប្រុស អាយុ៤៥ឆ្នាំ រស់នៅភូមិខ្នាក្រៅ ឃុំកន្ទួត ស្រុកស្វាយលើ បានភ្ជួរស្រែដោយត្រាក់ទ័រ នៅចំណុចខាងលិចភូមិខ្នារក្រៅ ប្រហែល៨គីឡូម៉ែត្រ បានប្រទះ ឃើញគ្រាប់ចំនួន១៤០គ្រាប់ ក្នុងនោះមាន គ្រាប់កាំភ្លើងធុន៧៥មម ចំនួន០៩គ្រាប់ , គ្រាប់កាំភ្លើងធុនដេកា៨២ ចំនួន១៣គ្រាប់ , គ្រាប់កាំភ្លើងធុន៦០មម ចំនួន៩៤ គ្រាប់ , គ្រាប់កាំភ្លើងធុន៨២មម ចំនួន០៣គ្រាប់ , គ្រាប់កាំភ្លើងធុន១២០មម ចំនួន០១គ្រាប់ , គ្រាប់កាំភ្លើងធុន៨៥មម ចំនួន០៤គ្រាប់ , គ្រាប់កាំភ្លើងធុនបេ៤០ ចំនួន០៦គ្រាប់ , គ្រាប់កាំភ្លើងធុន៧៦ ចំនួន០២គ្រាប់ , មីនតោន ចំនួន ០១ គ្រាប់ , មីនប្រភេទ៦៩ ចំនួន០១គ្រាប់ , មីនធុន៥០មម ( MBU75A )ចំនួន០១គ្រាប់ និង ក្បាលផ្ទុះចំនួន០៥គ្រាប់។
សមត្ថកិច្ចនគរបាលស្រុកស្វាយលើ បានឲ្យដឹងទៀតថា ប្រភេទគ្រាប់និងមីនទាំងអស់នេះ ត្រូវបានប្រគល់ទៅឲ្យអង្គភាពដោះមីនកម្ពុជាហើយ ដើម្បីធ្វើការកំទេចចោល ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
