កាលពីព្រឹកថ្ងៃទី១៧ ខែមិថុនា ឆ្នាំ២០១៩ម្សិលមិញនេះ នៅសាលប្រជុំរដ្ឋបាលស្រុកស្វាយលើ បានរៀបចំពិធីប្រកាសចូលកាន់តំណែងរបស់ក្រុមប្រឹក្សាស្រុកស្វាយលើ អាណត្តិទី៣ ក្រោមអធិបតីភាពលោក ពៅ ពិសិដ្ឋ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាល នៃគណអភិបាលខេត្តសៀមរាប ដោយមានការអញ្ជើញចូលរួមពីសំណាក់លោក លោកស្រី ជាប្រធាននិងសមាជិកក្រុមប្រឹក្សាស្រុក , គណៈអភិបាលស្រុក និង មន្ត្រីអ្នកមុខ អ្នកការក្នុងស្រុកស្វាយលើជាច្រើនរូប ។
តាមការអានអនុក្រឹត្យរបស់លោក ឈឿត ចំរើន នាយករងទីចាត់ការគ្រប់គ្រងធនធានមនុស្សសាលាខេត្ត ស្តីពីការ ទទួលស្គាល់សមាជិកក្រុមប្រឹក្សាស្រុក អាណត្តិទី៣ ចំនួន១៥ រូប ក្នុងនោះស្រីចំនួន០២ រូប មកពីគណបក្សប្រជាជនកម្ពុជា ហើយលោក ហ៊ុន ហួន ត្រូវបានប្រកាសជាប្រធានក្រុមប្រឹក្សាស្រុកស្វាយលើ អាណត្តិទី៣ ។
បន្ទាប់ពីគណៈអធិបតីធ្វើការប្រគល់នូវអនុក្រឹត្យ ទទួលស្គាល់សមាជិកក្រុមប្រឹក្សាស្រុក អាណត្តិទី៣ រួចមក លោក ពៅ ពិសិដ្ឋ អភិបាលរងខេត្ត បានសម្ដែងនូវកោតសរសើរ និង វាយតម្លៃខ្ពស់ ចំពោះថ្នាក់ដឹកនាំស្រុកដែលត្រូវបានតំណាងប្រជាពលរដ្ឋ ជាសមាជិកក្រុមប្រឹក្សាឃុំ សង្កាត់ បានផ្តល់នូវសេចក្តីទុកចិត្ត បោះឆ្នោតជ្រើសរើស ជាក្រុមប្រឹក្សាស្រុក អាណត្តិទី៣ ដើម្បីបន្តដឹកនាំស្រុក និង បន្តអភិវឌ្ឍន៍ឲ្យមានការីកចម្រើនលើគ្រប់វិស័យបន្ថែមទៀត ជាពិសេស ត្រូវសាមគ្គី ឯកភាពផ្ទៃក្នុង និងត្រូវសហការគ្នាឲ្យបានស្អិតរមួត ដើម្បីឲ្យក្លាយជាធ្លុងមួយក្នុងការបន្តអភិវឌ្ឍន៍មូលដ្ឋានឲ្យបានរីកចម្រើនបន្ថែមទៀត និង ត្រូវខិតខំដោះស្រាយ សម្រប សម្រួលរាល់បញ្ហាប្រឈមរបស់បងប្អូនប្រជាពលរដ្ឋឲ្យអស់លទ្ធភាព ព្រមទាំងបញ្ជៀសនូវការប្រើប្រាស់អំពើហិង្សា ។
ព័ត៌មានជាតិ ថ្មីៗ
លោក ពៅ ពិសិដ្ឋ បានផ្តាំផ្ញើដល់ក្រុមប្រឹក្សាស្រុក ត្រូវបន្តអនុវត្តលើការងារដែលនៅសេសសល់ពីអាណត្តិទី២ និងអនុវត្តការងារបន្ថែមក្នុងអាណត្តិទី៣នេះជាបន្តទៀត ដើម្បីឲ្យស្រុកមានការអភិវឌ្ឍបន្ថែមទៀត ពិសេសត្រូវសាមគ្គី និងសហការគ្នាឲ្យស្អិតរមួត ដើម្បីឲ្យក្លាយជាធ្លុងមួយរវាងក្រុមប្រឹក្សាស្រុកនិងគណៈអភិបាលស្រុក ក្នុងការបន្តអភិវឌ្ឍស្រុក និង ត្រូវខិតខំដោះស្រាយ សម្របសម្រួលរាល់បញ្ហាប្រឈមរបស់បងប្អូនប្រជាពលរដ្ឋឲ្យអស់លទ្ធភាព ជាពិសេសក្រុមប្រឹក្សាស្រុកទាំងអស់ ត្រូវអនុវត្តឲ្យបានខ្ជាប់ខ្ជួននូវរដ្ឋធម្មនុញ្ញ ច្បាប់ លិខិតបទដ្ឋានគតិយុត្តនានា ពិសេសបទបញ្ជាផ្ទៃក្នុងដែលខ្លួនបានអនុម័ត ព្រមទាំងរៀបចំកិច្ចប្រជុំសាមញ្ញឲ្យត្រូវទៅតាមច្បាប់កំណត់ និងតាមប្រតិទិនផងដែរ៕
អត្ថបទ និង រូបថត ៖ Facebook រដ្ឋបាលខេត្តសៀមរាប
