នាព្រឹកថ្ងៃទី១៩ ខែមិថុនា ឆ្នាំ២០១៩ម្សិលមិញនេះ កំលាំងរដ្ឋបាលជលផលខេត្តសៀមរាប ដឹកនាំដោយលោក ស្រី កែវសុភះ នាយរងខណ្ឌរដ្ឋបាលជលផលខេត្ត ដោយមានការសហការជាមួយសហគមន៍នេសាទកែវពណ៌ និងកំលាំងប៉ុស្តិ៍នគរបាលរដ្ឋបាលកែវពណ៌សរុប២៣នាក់ បានចុះទៅបង្ក្រាបបទល្មើសជលផល នៅចំណុចថ្កោល រហូតដល់មាត់ពាមស្ទឹងកំបុត ក្នុងភូមិសាស្ត្រឃុំកែវពណ៍ ស្រុកពួក ខេត្តសៀមរាប។
ជាលទ្ធផលក្នុងប្រតិបត្តិការណ៍នេះកម្លាំងជំនាញ់ បានបង្គ្រាបបាន ឧបករណ៍ បរ ចំនួន៤២គ្រឿង, របាំងសាច់អួន ចំនួន១.៧០០ម៉ែត្រ, ជំរឹង ចំនួន៣.៥០០ដើម និងបានលែងកូនត្រីចំរុះចំនួន២០គីឡូ រីឯឧបករណ៍ និងសម្ភារៈដែររឹបអូសបាន ត្រូវបានធ្វើការកាប់បំផ្លាញចោលនៅហ្នឹងកន្លែងតែម្ដង ៕
ព័ត៌មានជាតិ ថ្មីៗ
អត្ថបទ និងរូបភាព៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
