ថ្ងៃទី២០ ខែសីហា ឆ្នាំ២០១៨ ជនសង្ស័យត្រូវជាឪពុក ត្រូវបានសមត្ថកិច្ចនគរបាលស្រុកអង្គរធំ ខេត្តសៀមរាប បានឃាត់ខ្លួនពាក់ព័ន្ធករណីរំលោភសេពសន្ថវៈទៅលើកូនស្រីបង្កើត ដែលជាអនិតិជន ស្ថិតនៅភូមិសណ្ដាន់ ឃុំពាក់ស្នែង ស្រុកអង្គរធំ។
សមត្ថកិច្ចនគរបាលស្រុកអង្គរធំ បាននិយាយថា ក្រោយពីបានទទួលបណ្ដឹងពីស្ត្រីឈ្មោះ ខួច រ៉ា អាយុ ៣២ ឆ្នាំ ត្រូវជាប្រពន្ធជនសង្ស័យ និងជាម្ដាយជនរងគ្រោះ សមត្ថកិច្ចបានធ្វើការឃាត់ខ្លួន បុរសឈ្មោះ ឈន់ ជាស ភេទប្រុស អាយុ ៣៥ឆ្នាំ រស់នៅភូមិសណ្ដាន់ ឃុំពាក់ស្នែង ស្រុកអង្គរធំ ខេត្តសៀមរាប ដោយជនសង្ស័យរូបនេះបានសារភាពថា រូបគេពិតជាបានរំលោភទៅលើ កូនស្រីបង្កើតរបស់ខ្លួន បានសម្រេចចំនួន៣ដងពិតប្រាកដមែន។
សមត្ថកិច្ចបានបន្តថា សាកសួរកុមារីជនរងគ្រោះមានឈ្មោះ ជ. ស.រ ភេទស្រី អាយុ១១ ដោយជនរងគ្រោះបានបំភ្លឺថាខ្លួនបានទៅចងគោជាមួយឪពុកនៅចំនុចកន្លែងកើតហេតុ ខាងលិចវត្តសប្បុរិសារារ៉ាម ភូមិសណ្ដាន់ ឃុំពាក់ស្នែង ស្រុកអង្គរធំ ហើយត្រូវឪពុកចាប់រំលោភរហូតបានសម្រេច និងគម្រាមថា នឹងសម្លាប់ បើសិនជាប្រាប់ម្ដាយ និងយាយ។
បន្ទាប់ពីផ្ដល់ចំលើយសារភាព ជនសង្ស័យ ត្រូវបានសមត្ថកិច្ចនគរបាលស្រុកអង្គរធំ កសាងសុំណុំរឿងបញ្ជូនខ្លួនមកស្នងការដ្ឋាននគរបាលខេត្ត ដើម្បីចាត់ការតាមនីតិវិធច្បាប់៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
