នៅព្រឹកថ្ងៃ ថ្ងៃទី២៧ ខែមិថុនា ឆ្នាំ២០១៩ សិស្សានុសិស្សនៃសាលាវេស្ទើនអន្តរជាតិខេត្តសៀមរាប សហការជាមួយអាជ្ញាធរជាតិអប្សរា ព្រះសង្ឃជាច្រើនអង្គ បានចូលរួមដាំដើមឈើប្រមាណ២,០០០ដើម នៅបរិវេណខាងជើងប្រាសាទព្រះគោស្ថិតនៅក្នុងស្រុកប្រាសាទបាគងខេត្តសៀមរាប ដើម្បីចូលរួមចំនែក ក្នុងក្របខណ្ឌយុទ្ធនាការសាធារណៈដាំដើមឈើឡើងវិញនៅរមណីយដ្ឋានអង្គរ ។
មានប្រសាសន៍ក្នុងឱកាសនោះ លោក រត្ន័ រស្មី នាយកសាលាវេស្ទើនអន្តរជាតិខេត្តសៀមរាប បានឲ្យដឹងថា ព្រៃឈើអាចការពារនូវគ្រោះថ្នាក់ផ្សេងៗ និងផ្តល់ជាម្លប់សម្រាប់មនុស្ស សត្វទូទៅ ហើយថ្ងៃនេះ លោកពិតជាមានការរីករាយដែលបាននាំសិស្សានុសិស្សនៃសាលាវេស្ទើនមកចូលរួមជាមួយអាជ្ញាធរជាតិអប្សរាក្នុងការដាំដើមឈើនៅទីនេះ។
លោកបានបន្តថា កន្លងមកនេះសាលាវេស្ទើនអន្តរជាតិតែងតែបានដឹកនាំសិស្សានុសិស្សចូលរួមជួយការងារសង្គមជាច្រើន ដើម្បីឱ្យពួកបានរៀនទាំងទ្រឹស្តី និងការអនុវត្តជាក់ក្នុងការងារជួយសង្គម ។ ជាក់ស្តែងថ្ងៃនេះ ពួកគេបានយល់កាន់តែច្បាស់បន្ថែមទៀតនៃសារៈប្រយោជន៏ដើមឈើ។ហើយក៏សុំឱ្យមានការចូលរួមដាំដើមឈើឱ្យបានច្រើនជាងការកាប់បំផ្លាញ។
ព័ត៌មានជាតិ ថ្មីៗ
ឯកឧត្តម យិត ចាន់ដារដ្ឋ អគ្គនាយករងតំណាងឯកឧត្តម ហង់ ពៅ អគ្គនាយកអាជ្ញាធរជាតិអប្សរា ការបាត់បង់ព្រៃឈើបណ្តាលឱ្យមនុស្ស និងប្រាសាទមានការរងគ្រោះ។ ដូច្នេះការចូលរួមនាពេលនេះពិតជាសំខាន់ និងជាបុណ្យកុសលមួយដ៏ធំធេងសម្រាប់ប្រទេសជាតិ និងមនុស្សជំនាន់ក្រោយ។ លើសពីនេះ បច្ចុប្បន្នមានជនខិលខូចបានកាប់បំផ្លាញច្រើនទៅៗ ហើយអាជ្ញាធរជាតិអប្សរាតែងព្យាយាមទប់ស្កាត់នូវបទល្មើសនានា និងគ្រោងដាំបន្ថែមឡើងវិញ៣៥ហិចតានៅទីតាំងផ្សេងគ្នា ដែលនឹងបើកយុទ្ធនាការដាំដើមឈើ៤ម៉ឺនដើម នៅរដូវវស្សាក្នុងឆ្នាំនេះ។ ក៏បានថ្លែងអំណរគុណលោកគ្រូអ្នកគ្រូ សិស្សានុសិស្សនៃសាលាវេស្ទើន ជាពិសេស ព្រះសង្ឃគ្រប់អង្គ ដែលបានចូលរួមដាំដើមឈើនាពេលនេះ។
ឯកឧត្តម យិត ចាន់ដារដ្ឋ ក៏បានថ្លែងអំណរគុណលោកគ្រូអ្នកគ្រូ សិស្សានុសិស្សនៃសាលាវេស្ទើន ជាពិសេស ព្រះសង្ឃគ្រប់អង្គ ដែលកន្លងមកតែងតែបានចូលរួមក្នុងការការពារ ក៏ដូចជាអភិរក្សព្រៃឈើទាំងក្នុងតំបន់អង្គរ និងក្រៅអង្គរ ហើយលោកសង្ឃឹមថាប្រជាពលរដ្ឋយើងទាំងអស់គ្នា នឹងបន្តចូលរួមក្នុងការដាំដើម និងការពារព្រៃឈើនេះបន្តទៀត ដើម្បីជាប្រយោជន៍រួមរបស់មនុស្សជាតិ និងប្រទេសជាតិយើង ៕
អត្ថបទ និង រូបភាព ៖ ទ្រា ពន្លឺ . ជា ស្រស់ .ខេង ឧត្តម
កែសម្រួល ៖ អ៊ុន ណារាជ្យ
