កាលពីព្រឹកថ្ងៃទី១ ខែកក្កដា ឆ្នាំ២០១៩ កម្លាំងចម្រុះរួមមាន លោក នាយករងរដ្ឋបាលខេត្ត កងកម្លាំងប្រដាប់អាវុធ មន្ទីរ និងអ្នកពាក់ព័ន្ធបានចុះបង្ក្រាបបទល្មើសជលផលក្នុងភូមិសាស្ត្រភូមិមាត់ខ្លា ឃុំអន្លង់សំណរ ស្រុកជីក្រែង។
ចំពោះប្រតិបត្តិការណ៍នៅនេះដែរ ត្រូវបានប្រព្រិត្តិទៅ ដោយបានអនុសាសន៍ណេនាំដ៏ខ្ពង់ខ្ពស់ របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងក្រោមការបញ្ជាផ្ទាល់របស់ ឯកឧត្តម ទៀ សីហា អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត ក្នុងការប្រកាសពីការបិទរដូវនេសាទសម្រាប់ឆ្នាំ២០១៩នេះ ។
ជាលទ្ធផលនៃការបើកប្រតិបត្តិការណ៍នាព្រឹកនេះ សមត្ថកិច្ច បានរឹបអូស និងដុតបំផ្លាញនូវ៖
១. សាច់មងរ៉ាវ ប្រវែងប្រមាណ ១១ ០០០ម៉ែត្រ
២. បង្គោលចំរឹង ចំនួន ៦៨០០ដើម
៣. ក្បាលបរ ចំនួន ១៥ក្បាលបរ ។
សូមបញ្ជាក់ថា កន្លងមកឯកឧត្តម ទៀ សីហា អភិបាលនៃគណអភិបាលខេត្ត សៀមរាប បានណែនាំឲ្យកំលាំងជំនាញពាក់ព័ន្ធរៀបចំផែនការចុះបង្ក្រាបបទល្មើសជលផលជាប់ជាប្រចាំនិងណែនាំឲ្យសមត្ថកិច្ចនិងអាជ្ញាធរមូលដ្ឋានបង្កើនការអប់រំនិងការណែនាំ ដល់ប្រជាពលរដ្ឋមិនអោយនេសាទល្មើសច្បាប់កំណត់ក្នុងរដូវបិទនេសាទ។ ហើយក្នុងនោះដែរ រដ្ឋបាលជលផលនៃក្រសួងកសិកម្ម រុក្ខាប្រមាញ់និងនេសាទ ក៏បានប្រកាសអំពីរដូវបិទនេសាទសម្រាប់ឆ្នាំ២០១៩នេះ គឺនឹងចាប់ផ្ដើមពីថ្ងៃទី១ខែមិថុនា រហូតដល់ថ្ងៃទី៣០ខែកញ្ញា។
អត្តបទនិងរូបភាព៖រដ្ឋបាលខេត្តសៀមរាប
កែសម្រួល ៖ អ៊ុន ណារាជ្យ
