នាវេលាម៉ោង១៦:១០នាទីថ្ងៃទី ០១ ខែកក្កដា ឆ្នាំ២០១៩ម្សិលមិញនេះ កម្លាំងការិយាល័យនគរបាលប្រឆាំងការជួញដូរមនុស្ស និងការពារអនីតិជន ហសការជាមួយកម្លាំងនគរបាលអន្តោរប្រវេសន៍ បានឃាត់ខ្លួនជនបរទេសម្នាក់ ពីបទនាំចេញដោយមិនស្របច្បាប់ដោយមានគោលដៅ និងនាំចេញដោយមិនស្របច្បាប់សម្រាប់ឆ្លងដែន។
ជនសង្ស័យរូបនេះមានឈ្មោះ JASVEER SINGH ភេទប្រុស កើតឆ្នាំ១៩៨៦ ជាជនជាតិឥណ្ឌាកាន់លិខិតឆ្លងដែលេខ M២៥១៥៤៥៦ មុខរបរថៅកែភោជនីយដ្ឋាន GREATPUNJABCELEBRATION ស្នាក់នៅភូមិមណ្ឌល១ សង្កាត់ស្វាយដង្គំ ក្រុងខេត្តសៀមរាប។
បច្ចុប្បន្នជនសង្ស័យត្រូវបានលោករៀម ច័ន្ទម្នី ព្រះរាជអាជ្ញារងអមសាលាដំបូងខេត្តសៀមរាប សម្រេចឲ្យឃាត់ខ្លួនបណ្តោះអាសន្ននៅស្នងការដ្ឋាននគរបាលខេត្តសៀមរាប ដើម្បីរៀបចំកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធី។
អត្ថបទ និង រូបភាព ៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
