យោងតាមរបាយការណ៍របស់លេខាធិការដ្ឋានសហគមន៍របស់អាជ្ញាធរជាតិអប្សរាបានឲ្យដឹងថា សម្រាប់ខែមិថុនា ឆ្នាំ២០១៩ ក្រុមការងារសហគមន៍នៃអាជ្ញាធរជាតិអប្សរាបានចុះផ្តល់ការអនុញ្ញាតជួសជុល កែលម្អផ្ទះរបស់ប្រជាពលរដ្ឋក្នុងរមណីយដ្ឋានអង្គរបានចំនួន១២២ករណី។
ការអនុញ្ញាតខាងលើបានផ្តល់ជូនប្រជាពលរដ្ឋនៅស្រុកប្រាសាទបាគង បានចំនួន ១៤ករណី ស្រុកអង្គរធំបានចំនួន ២៨ករណី ស្រុកពួកបានចំនួន ១៦ករណី ក្រុងសៀមរាបបានចំនួន ៤៣ករណី និងស្រុកបន្ទាយស្រីបាន ចំនួន២១ករណី។
ប្រភេទនៃការអនុញ្ញាតសាងសង់រួមមាន៖ ធ្វើបង្គន់ ប្តូរសសរ ប្តូរទីតាំងផ្ទះ តសំយាបផ្ទះ ធ្វើរបងពីបង្គោលថ្ម ជួសជុលដំបូល ប្តូរជញ្ជាំង ចាក់ដី ចាក់សាបក្រោមផ្ទះ។ល។
សូមបញ្ជាក់ថា ក្នុងករណីដែលប្រជាពលរដ្ឋមានតម្រូវការកែលម្អគេហដ្ឋានរបស់ខ្លួន សូមទំនាក់ទំនងជាមួយភូមិ ឃុំ/សង្កាត់ ដើម្បីដាក់ពាក្យស្នើសុំជួសជុលកែលម្អផ្ទះរបស់ខ្លួនមកលេខាធិការដ្ឋានសហគមន៍នៃអាជ្ញាធរជាតិអប្សរា ៕
អត្ថបទ និង រូបភាព ៖ ម៉ាត់ អារីហ្វី
កែសម្រួល៖ អ៊ុន ណារាជ្យ
