សៀវភៅដែលមានមានចំណងជើងថា “ប្រយុទ្ធសត្រូវ ប្រទះស្នេហ៍” បង្ហាញពីវីរៈភាពការពារជាតិរបស់សម្ដេចតេជោ

សៀវភៅប្រលោមលោក បែបប្រវត្តិសាស្ត្រ រៀបរៀង ចងក្រងឡើងដោយ ឯកឧត្តម ឯក ថា ដែលមានមានចំណងជើងថា “ប្រយុទ្ធសត្រូវ ប្រទះស្នេហ៍” បានរំលេចនូវចំនុចនានាចំនួន១៣ និងរំលឹកពីវិរៈភាពរបស់សម្តេចតេជោ ហ៊ុន សែន បានរស់នៅក្នុងរបបខ្មែរក្រហម។

បន្ទាប់ទទួលឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ទទួលជួបសម្ដែងការគួរសម និងទទួលសៀវភៅប្រលោមលោក បែបប្រវត្តិសាស្ត្រនេះ ពីឯកឧត្តម ឯក ថា អ្នកនាំពាក្យទីស្តីការគណៈ រដ្ឋ មន្ត្រី និងអនុប្រធានប្រចាំការនៃអង្គភាព អ្នកនាំពាក្យរាជរដ្ឋាភិបាល នៅថ្ងៃទី២ ខែកក្កដា ឆ្នាំ២០១៩ ឯកឧត្តម ឯក ថា បានជម្រាបជូន ឯកឧត្តម ខៀវ កាញារីទ្ធថា សៀមភៅនេះ បានសរសរបោះពុម្ភ ជាភាសាអង់គ្លេស ដែលវាបានបង្ហាញពីវីរៈភាពរបស់សម្ដេចតេជោ ហ៊ុន សែន រត់ទៅ ប្រទេសវៀតណាម យកជីវិតធ្វើជាដើមទុន ក្នុងការស្នើសុំឲ្យ កងទ័ពវៀតណាម មកជួយធ្វើការរំដោះ ប្រជាជនកម្ពុជា ចេញពីរបបប្រល័យពូជ សាសន៏ខ្មែរក្រហម ។ នៅក្នុងសៀវភៅនេះដែរក៏បានធ្វើការរំលេចឲ្យឃើញ នូវប្រវត្តិសាស្ត្រ ដ៏ជូរចត់របស់ប្រជាជនខ្មែរ ត្រូវពួកខ្មែរក្រហម កាប់សំលាប់ អស់ជាច្រើនលាននាក់។ ទន្ទឹមជាមួយគ្នានេះដែរ វាក៏បានបង្ហាញនូវ ចំណងមិត្តភាព រវាងកងទ័ពស្មគ្រ័ចិត្តវៀតណាម ដែលបានមកជួយធ្វើការរំដោះ ប្រជាជនកម្ពុជា ពីរបបខ្មែរក្រហមផងដែរ។

បន្ទាប់ពីពិនិត្យទៅលើខ្លឹមសារក្នុងសៀវភៅ ឯកឧត្តម ខៀវ កាញារីទ្ធ បានវាយតម្លៃខ្ពស់ចំពោះ កិច្ចខិតខំប្រឹងប្រែង សិក្សាស្រាវជ្រាវ ចងក្រងបោះពុម្ភជាសៀវភៅនេះឡើង ដើម្បីទុកជាការយល់ដឹង កាន់តែច្បាស់ទាំងអស់គ្នា ទាំងប្រជាជនកម្ពុជា និង បរទេសផងដែរព្រោះ ការសរសេរសៀវភៅនេះឡើងជាភាសាអង់គ្លេស ៕