គណៈកម្មាធិការភូមិ១ផលិតផល១ បង្ហាញពីផលិតផលខ្មែរដែលទទួលស្គាល់ដោយស្ដង់ដាអន្តរជាតិ ដល់រដ្ឋមន្ត្រីក្រសួងព័ត៌មាន

នៅក្នុងដឹកនាំក្រុមការងារផលិតផលខ្មែរ ចូលជួបសម្ដែងការគួរសម និង ពិភាក្សាការងារជាមួយ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន នៅព្រឹកថ្ងៃ ទី ២ ខែ កក្កដា ឆ្នាំ ២០១៩ ឯកឧត្តម បណ្ឌិត សួង ណយ អគ្គលេខាធិការរង គណៈកម្មាធិការជាតិជំរុញចលនាភូមិ១ ផលិតផល ១ នៃក្រុមប្រឹក្សាស្តារ អភិវឌ្ឍន៍វិស័យកសិកម្ម និងជនបទ បានស្នើសុំការគាំទ្រពី ឯកឧត្តមរដ្ឋមន្ត្រីក្រសួងព័ត៌មាន ទៅលើផលិតផលរបស់ខ្មែរ ពិសេសសម្រាប់ឱកាសនេះ គឺផលិតផល ម្រុំ ខ្មែរ។

ឯកឧត្តម បណ្ឌិត សួង ណយ មានប្រសាសន៍បញ្ជាក់ថា ការដែលក្រុមការងារ មកទីនេះ ដើម្បីស្នើសុំ ឲ្យថ្នាក់ដឹកនាំក្នុងជួរ រាជរដ្ឋាភិបាល គាំទ្រផលិតផល ខ្មែរ ព្រោះបច្ចុប្បន្ននេះ ផលិតផលរបស់ខ្មែរ ខ្លះមានស្តង់ដា និងគាំទ្រដោយអន្តរជាតិផងដែរ។ តាមរៈកិច្ចការងារនេះ ឯកឧត្តម សួង ណយ បានបញ្ជាក់ថា គណៈកម្មាធិការជាតិជំរុញចលនាភូមិ ១ ផលិតផល ១ នឹងជម្រុញយកម្តង ១ក្រុម បាននិងកំពុងស្នើសុំជួបជាមួយ បណ្តាថ្នាក់ដឹកនាំ គ្រប់ស្ថាប័ន ដើម្បីសុំការគាំទ្រ និងជួយផ្សព្វផ្សាយបន្ថែម អំពីផលិតផលរបស់ខ្មែរ ឲ្យបានកាន់ តែទូលំទូលាយ បានដឹងដល់ប្រជាពលរដ្ឋ ទាំងអស់ថា ផលិតផលខ្មែរពិតជាមាន គុណភាព ក្នុងការប្រើប្រាស់បាន។ ដូច្នេះ នៅក្នុងឱកាសនេះ បានដឹកនាំក្រុម ផលិតផលខ្មែរ ធ្វើពីម្រុំ មកជូន ឯកឧត្តម រដ្ឋមន្ត្រី ខៀវ កាញារីទ្ធ ជម្រាបពី សារៈសំខាន់នៃ ផលិតផលនេះ ដែលជាផលិតផល ប្រភេទអាហារបំប៉នសុខភាព មាន ដូចជា តែ ម្សៅ គ្រាប់ និងប្រភេទផ្សេងៗដែល អាចរក្សាទុកបាន យូរ ហើយអ្នកទិញអាចយកទៅខ្លួន និងមានភាពងាយស្រួលក្នុងការពិសារ សម្រាប់បំប៉ន សុខភាពរាងកាយបានល្អ។

ឯកឧត្តម ខៀវ កាញារីទ្ធ បានសម្ដែងនូវការគាំទ្រយ៉ាងពេញទំហឹង ចំពោះកិច្ចខិតខំប្រឹងប្រែង របស់ប្រជាកសិករ ក្នុងការដាំដុះ នូវដំណាំម្រុំនេះ ពិសេសក្រុមការងារសិក្សាស្រាវជ្រាវ ស្វែងរកវិធីសាស្ត្រ ក្នុងការធ្វើយ៉ាងណា យករុក្ខជាតិម្រុំមកធ្វើ អាហារបំប៉នសុខភាព ដោយមានការវិចខ្ចប់ កែច្នៃ បានយ៉ាងល្អ និងត្រឹមត្រូវមានស្តង់ដា។