សមត្ថកិច្ចនគរបាលខេត្តសៀមរាប បានឲ្យដឹងថា កាលពីវេលាម៉ោង១យប់ ឈានចូលថ្ងៃទី០៣ ខែកក្កដា ឆ្នាំ២០១៩ ម្សិលមិញនេះ មានភ្លៀងធ្លាក់គ្របដណ្តប់ទូទាំងស្រុកជីក្រែង និងមានខ្យល់កន្ត្រាក់ផងនោះ បានធ្វើឲ្យរលំផ្ទះ១ខ្នង មានទទឹងប្រវែង៧ម៉ែត្រ និងបណ្តោយប្រវែង៩ម៉ែត្រ សង់មិនទាន់រួច ត្រូវរលំដួលទាំងស្រុង ជារបស់ឈ្មោះ ជិន សេន ភេទប្រុស អាយុ២៦ឆ្នាំ នៅភូមិរំជៃច្រុះ ឃុំល្វែងឫស្សី និងរបើកដំបូល៥ខ្នងផ្ទះទៀត រួមមាន នៅភូមិតាអុង ចំនួន២ខ្នងផ្ទះ , នៅភូមិគោកអំពិល ចំនួន៣ខ្នងផ្ទះ ព្រមទាំងបានរបើកដំបូលតូបលក់ដូររបស់អាជីវករ នៅផ្សាកំពង់ក្តី ក្នុងឃុំកំពង់ក្តី អស់មួយចំនួនទៀត ៕
អត្ថបទ និង រូបថត ៖ លោក ថាច់ ពិសុទ្ធ
