ជនសង្ស័យ ដែលចាប់បោកកូនខ្លួនឯងនឹងសសរផ្ទះបណ្ដាលឲ្យស្លាប់នោះ ត្រូវបានកម្លាំងនគរបាលស្រុកប្រាសាទបាគងបានខ្លួនបានហើយ ព្រឹកថ្ងៃទី០៤ ខែកក្តដានេះ ខណៈជនសង្ស័យរូបនេះត្រឡប់មកផ្ទះរបស់ខ្លួនវិញ។
អធិការនគរបាល ស្រុកប្រាសាទបាគង លោកវរសេនីយ៍ឯក មិន ចន្ថា បានឲ្យដឹង នៅព្រឹកមិញនេះថា ក្រោយពីទទួលដំណឹងពីក្រុមគ្រួសារ របស់ក្មេងរងគ្រោះ ថាជនសង្ស័យបានត្រឡប់មកផ្ទះរបស់ខ្លួនវិញ លោកបានចាត់កម្លាំងសមត្ថកិច្ច និងធ្វើការឃាត់ខ្លួនជនសង្ស័យភ្លាមៗ បញ្ជូនមកកាន់អធិការដ្ឋានស្រុក ដើម្បីកសាងសំណុំរឿងបញ្ជូនទៅតុលាការ។
គួររម្លឹកថា កាលពីវេលាម៉ោង ៧ និង ៣០ នាទី យប់ ថ្ងៃទី ២៧ ខែមិថុនា ឆ្នាំ ២០១៩ ស្ថិត នៅ ភូមិ តាប្រាក់ ឃុំ មាន ជ័យ ស្រុកប្រាសាទបាគង ខេត្តសៀមរាប ករណីហិង្សាមួយកើតឡើង ដោយឪពុកចាប់កូនខ្លួនឯងបោកផ្ទប់នឹងសសរផ្ទះបណ្តាលឲ្យស្លាប់នេះ បណ្ដាលមកពីជនសង្ស័យជាប្តី បាន ឈ្លោះប្រកែកគ្នា ជាមួយប្រពន្ធ រឿងទិញបន្លែមិនល្អ យកមកធ្វើម្ហូប ពេលនោះ ប្ដីប្រពន្ធទាំងពីរ បានឈ្លោះប្រកែកគ្នាមួយសន្ទុះ លុះក្រោយមក ពេលគាត់ ដើរទៅយកទឹកស្រាប់តែ ជនសង្ស័យ ជាប្តី ក៏បានចាប់ លើកកូន យកទៅ បោកផ្ទប់នឹងសសរផ្ទះបាយ បណ្តាលឲ្យកូនប្រុស សន្លប់ស្តូកស្តឹង ហើយជនសង្ស័យជាប្តីថែម ទាំងយកកាំបិតមកកាប់កូនទៀតផង ។ បន្ទាប់ពី ធ្វើសកម្មភាពរួច ជនសង្ស័យជាប្តី បានរត់គេច ខ្លួន បាត់ភ្លាមៗ។
ព័ត៌មានជាតិ ថ្មីៗ
អត្តបទនិងរូបភាព៖ខេង ឧត្តម ជាស្រស់
កែសម្រួល៖សេង ផល្លី
