ចលនាបំផុសការដាំកូនឈើឡើងវិញ ក្រោមប្រធានបទ “យើងរួមគ្នាព្យាបាលដំបៅផែនដី” នៅក្នុងខេត្តសៀមរាប ត្រូវបានចាត់ទុកថា ជាការបើកយុទ្ធនាការសកម្មភាពលើកដំបូងជាផ្លូវការ សម្រាប់ការធ្វើសកម្មភាពនេះទៅកាន់បណ្តាខេត្តផ្សេងទៀតទូទាំងប្រទេសកម្ពុជា។
នៅក្នុង កម្មវិធីរាត្រី សមោ ស នារាត្រីថ្ងៃទី១០ ខែកក្កដាម្សិលមិញនេះ លោក តាន់ គឹមសួរ ដែលជាអ្នកផ្តើមគំនិតបំផុសសកម្មភាពដាំកូនឈើឡើងវិញ ក្រោមប្រធានបទ ( យើងរួមគ្នា ព្យាបាលដំបៅផែនដី ) បានពន្យល់ឲ្យដឹងយ៉ាងដូច្នេះថា ៖
( សម្ភាសន៍ ០១ លោក តាន់ គឹមសួរ )
ចលនានៃប្រធានបទនេះ ត្រូវបានធ្វើដំណើរឆ្លងកាត់ជាច្រើនខេត្តកន្លងមកហើយ ដូចជាខេត្តកំពង់ស្ពឺ ព្រៃវែង កំពង់ចាម និងខេត្តត្បូងឃ្មុំ ។ ចលនាសកម្មភាពទាំងអស់នោះ ត្រូវបានការចូលរួមដោយក្រុមសិល្បករ សិល្បការិនី ពិធីករ ពិធីការិនី ល្បីៗក្នុងព្រះរាជាណាចក្រកម្ពុជា បង្ហាញឆន្ទៈនៃការចូលរួមស្រឡាញ់ព្រៃឈើ និងបង្ហាញជំនឿទៅលើសមត្ថភាពធ្វើបានរបស់មនុស្ស ។ វគ្គដំបូងនៃសកម្មភាពនេះ តាមការគ្រោងទុកគឺសម្រេចឲ្យបានការដាំកូនឈើឡើងវិញចំនួន ១០ ម៉ឺនដើម ។ គោលដៅនៃការដាំកូនឈើទាំងនោះ លោកបង្ហាញថា ៖
( សម្ភាសន៍ ០២ លោក តាន់ គឹមសួរ )
លោកបន្តឲ្យដឹងដែរថា ៖ ការដាំកូនឈើវាមិនពិបាកនោះទេ តែអ្វីដែលជាទំនួលខុសត្រូវក្រោយពីការដាំ គឺការថែទាំ នេះហើយគឺអ្វីដែលមានតម្រូវការចូលរួមដោយប្រើប្រាស់មូលនិធិដាំកូនឈើ ។ ក៏ជាអត្ថន័យជ្រាលជ្រៅជាងនេះ គឺការបំផុសនេះ វាជាសារសកម្មភាពមួយ បណ្តុះការចូលរួមដោយឆន្ទៈ ប្រជាពលរដ្ឋអាចដាំកូនឈើនៅក្នុងបរិវេណផ្ទះរបស់ខ្លួន នៅតាមទីអារាម តាមទីសាធារណៈ ក្នុងម្នាក់បានមួយដើម ក៏ជាការចូលរួមព្យាបាលដំបៅផែនដីបានដែរ ។
លោក ហ្វីលីប កៅ ប្រធានសមាគមក្លឹបទេសចរណ៍សៀមរាប ដែលជាអ្នកសម្របសម្រួលកម្មវិធីនេះ បានបង្ហាញចំណាប់អារម្មណ៍យ៉ាងដូច្នេះថា ៖
( សម្ភាសន៍ លោក ហ្វីលីប កៅ )
អត្ថបទ និង រូបភាព : លោក ងិន គឹមឡេង
កែសម្រួលអត្ថបទ : លោក សេង ផល្លី
