នៅថ្ងៃទី១៥ ខែកក្កដា ឆ្នាំ២០១៩នេះ លោកស្រី យូ សុភា អភិបាលរងខេត្ត និងជាប្រធានក្រុមការងារបង្កើនភាពអង់អាចផ្នែកសេដ្ឋកិច្ចដល់ស្ត្រី (PGM-WEE) ខេត្តសៀមរាប បានបើកកិច្ចប្រជុំបច្ចេកទេសសម្រាប់មេរៀនទី៣ ស្តីពី ការវិភាគអាជីវកម្ម ដោយបានទទួលបច្ចេកទេសពីអ្នកជំនាញការJICA ជប៉ុន។
មេរៀនទី៣ ស្តីពីការវិភាគយេនឌ័រនេះ រៀបចំឡើងដើម្បីឲ្យអ្នកទទួលផលពីគម្រោងពិនិត្យមើលអំពីស្ថានភាពអាជីវកម្មនាពេលបច្ចុប្បន្នតាមទស្សនទាន ៤P (ការផលិត តម្លៃ ទីកន្លែង និងការផ្សព្វផ្សាយ) និងទស្សនទានយេនឌ័រ ។
អ្វីដែលសំខាន់នោះ មន្ទីរជំនាញទាំង៨ រួមមានមន្ទីរកិច្ចការនារីខេត្ត , មន្ទីរការងារនិងបណ្តុះបណ្តាលវិជ្ជាជីវៈខេត្ត , មន្ទីរកសិកម្មខេត្ត , មន្ទីរទេសចរណ៍ខេត្ត , មន្ទីរផែនការខេត្ត , មន្ទីពាណិជ្ជកម្មខេត្ត , មន្ទីអភិវឌ្ឍន៍ជនបទខេត្ត និងមន្ទីរឧស្សាហ៍កម្មនិងសិប្បកម្មខេត្ត ដែលអ្នកផ្តល់បច្ចេកទេសទៅដល់សហគមន៍គោលដៅទាំង២ គឺសហគមន៍ទេសចរណ៍ធម្មជាតិកំពង់ភ្លុក និងសហគមន៍ទេសចរណ៍ខ្នារពោធិ៍ ងាយស្រួលក្នុងការសម្របសម្រួលលើការផ្តល់ជំនាញនិងគាំទ្របច្ចេកទេសដល់សហគមន៍ទាំងពីរ។
មានប្រសាសន៍នៅក្នុងពិធីបើកកិច្ចប្រជុំ លោកស្រីប្រធាន បានស្នើឲ្យមន្ទីរជំនាញទាំងអស់យកចិត្តទុកបន្ថែមទៀតក្នុងការអនុវត្តគម្រោង និងស្វែងយល់បន្ថែមអំពីបញ្ហាមួយចំនួនបន្ទាប់ពីបានទទួលបច្ចេកទេសពីអ្នកជំនាញការJICA ជប៉ុនកន្លងមក ហើយក៏បានយកទៅអនុវត្តនៅសហគមន៍រួចផងដែរ។ សូមឲ្យធ្វើការឆ្លុះបញ្ចាំងអំពីលទ្ធផលដែលទទួលបាន ថាតើនៅពេលយកទៅអនុវត្តទទួលបានលទ្ធផលនិងប្រសិទ្ធភាពឆ្លើយតបទៅនឹងគម្រោងរបស់យើងហើយឬយ៉ាងណា? លោកស្រីបានថ្លែងអំណរគុណដល់អ្នកជំនាញការJICA ជប៉ុន ដែលបានយកចិត្តទុក្ខដាក់ខ្ពង់ក្នុងផ្តល់ជំនាញដ៏មានសារសំខាន់ក្នុងការអភិវឌ្ឍន៍សេដ្ឋកិច្ចដល់ស្ត្រីនៅសហគមន៍ក្នុងវិស័យទេសចរណ៍ ក្រោមការសម្របសម្រួលពីក្រសួងកិច្ចការនារី ពិសេសមន្ទីរជំនាញទាំងដល់ដែលបានចូលរួមយ៉ាងស្រស្រាក់ស្រស្រាំផងដែរ ៕
អត្ថបទ និង រូបថត ៖ Facebook រដ្ឋបាលខេត្តសៀមរាប
