នៅព្រឹកថ្ងៃទី១៨ ខែកក្កដា ឆ្នាំ២០១៩នេះ លោក សូរ ប្លាតុង អភិបាលស្រុកប្រាសាទបាគង បានដឹកនាំក្រុមការងារចម្រុះ នៃរដ្ឋបាលស្រុក ចុះពិនិត្យ ប្រពន្ធ័ប្រឡាយទឹក០១ខ្សែ ប្រវែង២៥គីឡូម៉ែត្រ ដែលឆ្លងកាត់ភូមិជ្រៃ ភូមិគោកត្នោត និងភូមិល្អក់ នៃឃុំកណ្តែក ក្នុងប្រាសាទបាគង ។
បន្ទាប់ពីបានពិនិត្យ និងសិក្សារួចរាល់ លោកអភិបាលស្រុកប្រាសាទបាគង និងក្រុមការងារក៏បាន សម្រេចអនុញ្ញាតឲ្យប្រជាពលរដ្ឋអាចធ្វើដំណើរលើផ្លូវនេះជាធម្មតាវិញ ដោយបានបោះស្លាកសញ្ញាចំនួន៥ផ្ទាំង លើផ្លូវ ចំនួន៤ខ្សែ ស្ថិតនៅក្នុងភូមិល្អក់ និងភូមិឃុនមោឃ ដើម្បីបង្ហាញថា ផ្លូវនេះជាផ្លូវសាធារណ: ដែលប្រជាជនអាចធ្វើដំណើរបាន ។
សូមបញ្ជាក់ផងដែរថា កន្លងមកផ្លូវចំនួន ៤ខ្សែខាងលើនេះ ធ្លាប់មានទំនាស់ ហើយត្រូវបានបិទបច្ចុប្បន្ន ប៉ុន្តែនៅពេលនេះ បងប្អូនប្រជាពលរដ្ឋ ធ្វើដំណើរឆ្លងកាត់ បានជាធម្មតាឡើងវិញហើយ។ ចំណែកប្រឡាយទឹក០១ខ្សែ ប្រវែង២៥គីឡូម៉ែត្រ ខាងលើនេះ រដ្ឋបាលស្រុកប្រាសាទបាគង និងលើកគម្រោង ក៏ដូចជា ស្វែងរកចលនា មហាជន ដើម្បីធ្វើការស្តារឡើងវិញ ដើម្បីរួមចំណែកទាញយកទឹក ជួយដល់ការ ធ្វើកសិកម្ម របស់បងប្អូនប្រជាកសិករនៅក្នុងស្រុកប្រាសាទបាគងយើង ផងដែរ។
អត្តបទនិងរូបភាព៖ រដ្ឋបាលស្រុកប្រាសាទបាគង
កែសម្រួល ៖អ៊ុន ណារាជ្យ
