នៅព្រឹកថ្ងៃទី២៤ ខែកក្កដា ឆ្នាំ២០១៩នេះ នៅរដ្ឋបាលសាលាខេត្តសៀមរាប មានបើកកិច្ចប្រជុំសាមញ្ញលើកទី២ របស់ក្រុមប្រឹក្សាខេត្តសៀមរាបអាណត្តិទី៣ ក្រោមកិច្ចដឹកនាំប្រជុំរបស់ឯកឧត្តម អ៊ឹង ហឿន ប្រធានក្រុមប្រឹក្សាខេត្ត និង លោក លី សំរឹទ្ធ អភិបាលរងនៃគណៈអភិបាលខេត្តសៀមរាប ព្រមទាំងមានការចូលរួមពីសំណាក់ ឯកឧត្តមលោកជំទាវ ជាសមាជិកក្រុមប្រឹក្សាខេត្តគណៈអភិបាលខេត្ត និងអស់លោក លោកស្រី ថ្នាក់ដឹកនាំមន្ទីរ ស្ថាប័ន អង្គភាពជុំវិញខេត្ត ។
កិច្ចប្រជុំនាពេលនោះដែរគឺដើម្បីពិនិត្យ និង អនុម័តលើសេចក្តីព្រាងរបើបវារៈមួយចំនួនដែលមានដូចជា ៖
១. ពិនិត្យ និងអនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី១ របស់ក្រុមប្រឹក្សាខេត្តសៀមរាប អាណត្តិទី៣
២. ពិនិត្យ ពិភាក្សា និងអនុម័តលើសេចក្តីព្រាងរបាយការណ៍ប្រចាំឆមាសទី១ ឆ្នាំ២០១៥ ស្ថិតការអនុវត្តការងាររបស់រដ្ឋបាលខេត្តសៀមរាប
៣. ពិនិត្យ ពិភាក្សា និងអនុម័តលើសេចក្តីព្រាងដីកាស្តីពីបទបញ្ជាផ្ទៃក្នុងរបស់ក្រុមប្រឹក្សាខេត្តសៀមរាប អាណត្តិទី៣ ( ឆ្នាំ២០១៩-២០២៤)
៤. ពិនិត្យ ពិភាក្សា និងអនុម័តលើសេចក្តីព្រាងប្រតិទិនកិច្ចប្រជុំសាមញ្ញរបស់ក្រុមប្រឹក្សាខេត្តសម្រាប់ រយៈពេល ១២ខែ( ខែកក្កដា ឆ្នាំ២០១៩ ដល់ ខែមិថុនា ឆ្នាំ២០២០)
៥. ផ្សព្វផ្សាយ និងណែនាំដល់សមាជិក សមាជិកាក្រុមប្រឹក្សារាជធានី ខេត្ត ដាក់ពាក្យដោយស្ម័គ្រចិត្តចូល ជាសមាជិក “មូលនិធិមរណសង្គ្រោះក្រុមប្រឹក្សារាជធានី ខេត្ត”
៦. ពិនិត្យ ពិភាក្សា និងអនុម័តលើសេចក្តីព្រាងសេចក្តីសម្រេចស្តីពីការទទួលស្គាល់សមាសភាព ប្រធាន អនុប្រធាន និងសមាជិករបស់គណៈកម្មាធិការពិគ្រោះយោបល់កិច្ចការស្ត្រី និងកុមាររបស់ក្រុម ប្រឹក្សា ខេត្តសៀមរាប អាណត្តិទី៣
៧. ពិនិត្យ ពិភាក្សា និងអនុម័តលើសេចក្តីព្រាងសេចក្តីសម្រេចស្តីពីការទទួល ស្គាល់សមាសភាពប្រធាន អនុប្រធាន និងសមាជិករបស់គណៈកម្មាធិការសម្របសម្រួលបច្ចេកទេសរបស់ក្រុម ប្រឹក្សាខេត្តសៀមរាប អាណត្តិទី៣
៨. ពិនិត្យ ពិភាក្សា និងអនុម័តលើ សេចក្តីព្រាង សេចក្តី សម្រេច ស្តីពី ការ តែងតាំងសមាសភាពគណៈកម្មាធិការរៀបចំដែនដី នគរូបនីយកម្មខេត្ត
៩. ពិនិត្យ ពិភាក្សា និងអនុម័ត លើ សេចក្តី ព្រាងសេចក្តីសម្រេចស្តីពីការបង្កើតគណៈកម្មាធិការលទ្ធកម្មរបស់ក្រុមប្រឹក្សាខេត្តសៀមរាប អាណត្តិទី៣
១០. ពិនិត្យ ពិភាក្សា និងអនុម័តលើសេចក្តីព្រាងសេចក្តីសម្រេចស្តីពីការបង្កើតក្រុមការងារកសាងផែនការអភិវឌ្ឍន៍ និងកម្ម វិធី វិនិយោគបីឆ្នាំរំកិលប្រចាំឆ្នាំ របស់រដ្ឋបាលខេត្តសៀមរាប និង ពិនិត្យ ពិភាក្សា និងវាយតម្លៃលក្ខណៈសម្បត្តិមន្ត្រីរាជការ ដែលស្នើសុំតែងតាំងមុខតំណែងនៅក្នុងរចនាសម្ព័ន្ធសាលាខេត្ត។
ក្នុងឱកាសនោះដែរ ឯកឧត្តម អ៊ឹង ហឿន ប្រធានក្រុមប្រឹក្សាខេត្ត ក៍បានមានប្រសាសន៍បញ្ជាក់ជូនដល់កិច្ចប្រជុំសាមញ្ញលើកទី២ របស់ក្រុមប្រឹក្សាខេត្ត អាណត្តិទី៣ ឲ្យបានជ្រាបច្បាស់អំពីថនានុក្រម និងតួនាទីភារកិច្ចរបស់ក្រុមប្រឹក្សាខេត្ត គណៈអភិបាលខេត្ត ក្នុងនិតិបញ្ញាត និង និតិប្រតិបត្តិ ។
ឯកឧត្តម អ៊ឹង ហឿន ក៏បានលើកនូវសំណូមពរដល់គណៈអភិបាលខេត្ត និងមន្ទីរអង្គភាពពាក់ព័ន្ធទាំងអស់ត្រូវយកនូវរាល់ការងារ ដែល លើកឡើងក្នុងកិច្ចប្រជុំសាមញ្ញលើកទី២នាពេលនេះ ទៅធ្វើការអនុវត្តប្រតិបត្តិការងារឲ្យទទួលបាន លទ្ធផលប្រកបដោយប្រសិទ្ធភាពខ្ពស់ និងធ្វើឲ្យជីវភាពរបស់ប្រជាពលរដ្ឋមានភាពប្រសើរឡើងក្នុងការចូលរួមអភិវឌ្ឍន៍នៅតាមមូលដ្ឋានឃុំ សង្កាត់ ឲ្យមានការរីកចម្រើនទៅថ្ងៃអនាគត់ផងដែរ ៕
អត្ថបទ និង រូបភាព ៖ ទ្រា ពន្លឺ
កែសម្រួល ៖ អ៊ុន ណារាជ្យ
